Ata-ananyń bireýi ne qamqorshy óziniń Kaspi Gold kartasyna qosymsha retinde balaǵa arnalǵan Kaspi Gold-ty týra Kaspi.kz mobıldi qosymshasynda resimdeı alady, sosyn ataýly kartany kez kelgen Kaspi Kartomattan 1 mınýtta ala alady. Bul týraly banktiń baspasóz qyzmeti habarlady. 

Kaspi.kz basshysy ári negizin qalaýshylardyń biri Mıhaıl Lomtadze:

– Endi barshanyń súıikti Kaspi Gold kartasyn balaǵa resimdeýge bolady. Sondaı-aq siz balańyzdyń telefonyna Kaspi.kz qosymshasyn ornata alasyz.

Ózimizdiń kishkentaı súıikti klıentterimiz úshin biz ınterfeıs pen fýnksıonaldy barynsha ońaılattyq. Ata-analarǵa balalaryn qolma-qol aqshasyz zat satyp alýǵa jáne óz qarajatyn basqarýǵa erte jastan úıretýge kómektese alamyz degen senimdemiz, – dedi.

Ata-ana óziniń Kaspi.kz mobıldi qosymshasy arqyly balasynyń usaq shyǵynyna aqsha aýdara alady, jumsaǵan aqshasyn kóre alady, sondaı-aq ınternette zat satyp alýǵa ruqsatyn basqara alady, DSN-kodyn aýystyryp, kartany buǵattap/buǵattan shyǵara alady.

Ózderiniń ataýly Kaspi Gold-yn alǵannan keıin balalar aqsha aýdarymyn alyp, qolma-qol aqshasyz zat satyp alady jáne kez kelgen bankomattan aıyna 10 000 teńgege deıin aqsha sheshe alady. Óz qosymshasynda bala uıaly baılanys aqysyn, is-sharaǵa, oıynǵa kirý bıletiniń qunyn tólep, kólik kartasyn toltyra alady. Sondaı-aq bonýs jınap, ony jarata alady.