Sultan Óserbaevpen birge oblystyq máslıhat depýtattyǵyna úmitker Záýresh Qadyrbekova, Mádı Múlkemanov jáne aýdandyq máslıhat depýtattyǵyna kandıdattar Myrzaǵalı Kúzerbaev, Erik Kýrýmbaev jáne Aısha Idybo júrip, aldymenen Býlar batyr aýylyna at basyn burdy. Aýyldyq dúkenniń aldynda jergilikti turǵyndarmen ekspromt kezdesý ótkizgen kandıdattar halyqty elimizdiń taǵdyryna beı-jáı qaramaı, aldaǵy saılaý naýqanyna belsene qatysýǵa úgittedi.

Partıanyń saılaýaldy baǵdarlamasyn keńinen nasıhattaǵan úmitkerler sońǵy jyldary aýdandaǵy atqarylǵan jumystardy baıandady. Turǵyndar partıanyń jáne Elbasynyń qoldaýymen jasalǵan tyndyrymdy tirlikterge oń baǵasyn berip, árqashanda «Nur Otan» partıasyn qoldaıtyndaryn jetkizdi.

Osydan keıin úgit-nasıhat toby Sortóbe aýylyna jol tartyp, «kandıdat qonaqqa» kanvassıngi aıasynda aýyl turǵyny Omar Harbıevtiń úıine bardy. Zeınetke shyqqan aqsaqal jary Fatme Harbıevamen birge 6 balany ósirip, olardan urpaq súıip, tárbıeleýde. Ómir boıy eńbekke aralasqan Omar Harbıev búginde sol belsendiligin jalǵastyryp aýyldyq aqsaqaldar keńesinde jumys jasap, jastarǵa tárbıe berý isine atsalysyp keledi. Harbıevter otbasymen suhbat quryp, hal-jaǵdaıyn surastyrǵan kandıdattar 10 qańtar kúni saılaýǵa kelýin surady. Bul naýqanda «Nur Otan» partıasyn qoldaýǵa úgittedi. Keıinnen kandıdattar Sortóbe aýylynyń kóshelerin aralap «esikten esikke» aksıasyn júrgizdi.

Osy kúni Sortóbe aýyldyq mádenıet úıine halyq jınalyp, «Nur Otan» partıasynyń saılaýaldy baǵdarlamasyn tyńdady. Sultan Óserbaev, Záýresh Qadyrbekova, Mádı Múlkemanov, Myrzaǵalı Kúzerbaev, Erik Kýrýmbaev jáne Aısha Idybo partıanyń qoldaýy jáne bastamasymen atqarylǵan jumystardy jipke tizdi. Máselen, Záýresh Qadyrbekova medısına salasynda atqarylǵan jumystardy baıandady. Sońǵy jyldary aýdanda 8 dárigerlik ambýlatorıa, 4 feldsherlik akkýsherlik pýnkt, 9 tıptik medısınalyq pýnkt salynǵan. Ortalyq aýrýhanaǵa kompúterli tomograf, últradybystyq ekspert klasty apparattar, ókpeni jasandy jeldetý apparattary, jańa týǵan nárestege arnalǵan ınkýbator, sıfrly rentgen apparaty, sıfrly mammograf, jyljymaly medısınalyq keshender alynǵan. Al, aldaǵy jyly aýdan ortalyǵynda aýrýhana salynsa, Sortóbe aýylynda da jańa aýrýhana salý josparda bar.

Óz sózinde Sultan Óserbaev QR Parlamenti Májilisine depýtat retinde saılanatyn bolsa birinshi kezekte jastar saıasatyna úlken kóńil bóletinin jetkizdi. Onyń sózinshe, jastarǵa kóp múmkindik berý kerek. Bilim, ǵylym salasyn damytyp, jastarǵa kásibin ashyp berýge mol múmkindikter jasalýy tıis.

Aýyl turǵyndary bıyl Sortóbege gaz qubyry tartylǵanyna dán rıza. Sonymen qatar, aýyldaǵy joldar jóndelip, Aýqatty-Báıterek-Ótegen tas joly ashyldy. Bul aýdan ortalyǵyna qatynaýdy aıtarlyqtaı jeńildetkeni ras. Munymen qosa kelesi jyly Sortóbe-Aýqatty-Qyzylsaı tas joly da jóndelmek. Osynyń barlyǵy partıanyń arqasynda ekenin bir aýyzdan aıtqan sortóbelikter aldaǵy saılaýda «Nur Otan» partıasyn qoldaıtyndaryn jetkizdi.

"Nur Otan" partıasynyń saılaý qorynyń qarajatynan tólendi