«Nur Otan» partıasynyń Respýblıkalyq saılaýaldy shtaby óńirlerde turǵyndarymen kezdesýdi jalǵastyrýda. Búgin bıleýshi partıa ókilderi Almaty oblysyna keldi.

«Infraenergo» elektrotehnıka ónimderin shyǵaratyn kásiporyn ujymymen kezdesýde partıanyń óńirlik saılaýaldy baǵdarlamasynyń negizgi basymdyqtary talqylandy.

«Nur Otan» aldaǵy 5 jylda óńirde 134 myńnan astam jumys ornyn ashýdy, 31 myń oryndy quraıtyn 80 jańa mektep salý arqyly úshaýysymdy oqý máselesin sheshýdi, 120 aýyldyń 190 myń turǵynyn sapaly aýyz sýmen qamtamasyz etýdi, 72 densaýlyq saqtaý nysanyn, sondaı-aq 120 myńnan astam páter salýdy josparlap otyr.

Osy kúni saılaýaldy shtab músheleri BAQ ókilderimen, otandas-qandastarmen jáne jastarmen kezdesti.

Almaty oblysyna sapary barysynda «Nur Otan» partıasy Tóraǵasynyń birinshi orynbasary Baýyrjan Baıbek birqatar azamattardy qabyldady.

Máselen, qabyldaýda Nazerke Ábdihalyqova Raıymbek aýdanynda emhana salý máselesin kóterse, Shonjy aýylynan kelgen kópbalaly ana Zaǵıra Álimhodjaeva salynyp jatqan jaldamaly turǵyn úı sanyn arttyrýdy ótindi. Al Amangeldi Sháripqulov Aıteı aýyly turǵyndarynyń elektrmen jabdyqtaý máselesin sheshý jónindegi ótinishin jetkizdi. Bul máseleler nurotandyqtardyń saılaýaldy ýádeleri aıasynda sheshiletin bolady.

«Elbasy, partıa Lıderi Nursultan Nazarbaev atap ótkendeı, «Azamattarmen árdaıym tyǵyz baılanysta bolý – bizdiń partıamyzǵa kórsetiletin taýsylmas halyqtyq qoldaýdyń qaınar kózi». Jalpy, úgit kezeńi bastalǵannan beri bizdiń qoǵamdyq qabyldaýlarǵa 56 myńnan astam ótinish tústi, onyń ishinde 20 myńdaıy – saılaýshylardyń usynysy men amanaty. Kandıdattar men senim bildirilgen tulǵalar 7,3 myń qabyldaý ótkizdi. Halyq tarapynan túsken barlyq ótinish pen amanat erekshe partıalyq baqylaýǵa alynady», - dedi partıanyń Respýblıkalyq saılaýaldy shtab jetekshisi.

Baspasóz qyzmetiniń habarlaýynsha, azamattardy negizinen kelesi máseleler tolǵandyrady: áleýmettik qamtamasyz etý - 22%, TKSH - 17%, turǵyn úı men jer ýchaskelerin bólý - 12%, jumysqa ornalastyrý jáne eńbek daýlary - 8%, densaýlyq saqtaý - 6%, bilim berý - 5% jáne t.b.

«Nur Otan» partıasynyń saılaý qory qarajaty esebinen tólendi.