Baqytbek Smaǵul, Maqsat Sqaqov bastaǵan respýblıkalyq saılaýaldy shtab músheleri Qaraqıa aýdanyna jol tartty. Aýdan ortalyǵy Quryq jáne Jetibaı, Munaıshy aýylynda boldy. Turǵyndarmen kezdesip, partıanyń memleketimizdiń damýy, halyqtyń ál-aýqatynyń jaqsarýy jolyndaǵy jumystarymen tanystyrdy.

Aýdanda 2 iri logıstıkalyq baılanys toraby bar. Atap aıtsaq, qarqyndy damyp kele jatqan «Quryq» teńiz porty men Túrikmenstan Respýblıkasymen shekaralas aımaqta ornalasqan «Bolashaq» temirjol stansasy. Halyqtyń tabysyn arttyrý maqsatynda partıa shekaranyń ornalasý áleýetin jáne Qaraqıa aımaǵyndaǵy ónerkásiptik óndiristiń artyqshylyqtaryn nazarǵa alady.

Qaraqıa aýdany aýmaǵynda Bozjyra, Qarynjaryq sekildi erekshe tabıǵı shatqaldar bar. «Beket ata», «Shopan ata», «Temir baba» jerasty meshitteri ornalasqan. Búgingi tańda týrızm baǵyty – aýdan ekonomıkasynyń damýshy salasy bolyp tabylady. Osyny eskere kele «Nur Otan» partıasy týrızmdi damytýǵa arnalǵan qurylystar men qyzmet kórsetý sapasyn arttyrý maqsatynda eń birinshi ınfraqurylymdardy jetildirýdi mindettep otyr. Onyń ishinde «Sarja» teńiz jaǵalaýyndaǵy demalys aımaǵyna deıin asfált jol, ınjenerlik jelilerdiń qurylystaryn aıaqtaý, 100 oryndy qonaq úı, jaǵajaı demalysyn damytý maqsatynda abattandyrý, jol boıy dúken, kafe, janarmaı quıý beketin ashý, servıstik qyzmet kórsetýdi damytý jospary bar. Bul jumystar jańa jumys oryndarynyń ashylýyna jol ashyp, týrıser aǵynyn arttyrady.

Aýdandaǵy kezdesýler barysynda Munaıshy aýylyndaǵy mádenıet úıine kúrdeli jóndeý jumystaryn júrgizip, sońǵy úlgimen jabdyqtaý, mádenıet salasyn damytý, otandyq ónim óndirýshilerdi qoldaý máselelerin kóterdi. Kóptegen saýaldar qoıylyp, naqty jaýaptar berildi. Smaǵul Baqytbek jaýapty kezeńde birlikti uran etý, aldyńǵy býynnyń isin jalǵastyratyn búgingi jastar belsendi, jigerli bolý kerek ekenin aıtypbasyp aıtty.