Semeı COVID-19-dyń taralýy boıynsha "sary" aımaqqa endi. Bul týraly Semeı qalalyq ákimdiginiń resmı paraqshasynda habarlandy. 

Semeı qalalyq sanıtarlyq-epıdemıologıalyq baqylaý bóliminiń aqparaty boıynsha, epıdemıologıalyq jaǵdaıdy baǵalaý matrısasyna sáıkes, 100 myń turǵynǵa shaqqandaǵy apta saıynǵy aýrýshańdyqty jáne ınfeksıanyń reprodýktıvti koefısıentiniń (R) jıyntyq ındıkatoryn eskere otyryp, Semeı qalasy Kovıd-19-dyń taralýy turǵysynan "sary" aımaqqa endi.

Qala turǵyndarynan barlyq qaýipsizdik sharalaryn saqtaý suralady. Gıgıenany saqtap, betperde taǵyp, adamdar kóp jınalatyn oryndarǵa qajet bolmasa, barýdyń keregi joq ekeni taǵy bir márte eskertildi.

3 qańtarda Shyǵys Qazaqstan oblysyndaǵy karantın 18 qańtarǵa deıin uzartyldy.