Aqmola oblysynda jolda qalǵan 40-tan astam adam evakýasıalandy. Bul týraly QazAqparat saıty habarlady.

Aqmola oblystyq tótenshe jaǵdaı departamentiniń málimetinshe, Astrahan aýdanynyń qutqarýshylaryna "Ekaterınbýrg-Almaty" respýblıkalyq mańyzy bar avtomobıl jolynda avtobýs jolda qaldy degen habarlama túsken.

– Aıtylǵan jerge jetken qutqarýshylar men jergilikti atqarýshy organ qyzmetkerleri avtobýsta bolǵan 43 jolaýshyny (onyń 8 bala) evakýasıalap, Novocherkask aýylyndaǵy jylytý pýnktine ornalastyrdy. Jolaýshylar medısınalyq kómekke júgingen joq, – delingen departament habarlamasynda.

Qys aılarynda Aqmola oblysynda respýblıkalyq jáne jergilikti avtokólik joldarynyń qaýipti ýchaskelerinde 257 jylytý pýnkti jumys isteıdi.

Aqmola oblysynda bir aptadan astam ýaqyt boıy aýa temperatýrasy mınýs 37 gradýs aıazdy kórsetip tur. Osyǵan baılanysty 7 qańtardan bastap, qoǵamdyq jáne dızel otynymen júretin kólikterdiń jolǵa shyǵýyna tyıym salynǵan.