COVID-19 pandemıasynyń ekinshi jyly adamzat úshin burynǵyǵa qaraǵanda aýyr bolýy múmkin. Dúnıejúzilik densaýlyq saqtaý uıymynyń (DDSU) Twitter-degi suraq-jaýap sesıasynda uıym tótenshe jaǵdaılar baǵdarlamasynyń dırektory Maıkl Raıan osylaı dep málimdegen. Bul týraly tass.ru saıty habarlady.

–  Pandemıanyń  ekinshi jyly. Koronavırýstyń taralý dınamıkasyn eskere otyryp, birinshi jylmen salystyrǵanda odan da qıyn bolýy múmkin, – dedi Raıan.

Raıan DDSU-ǵa sońǵy eki aptada túsken málimetter aýrýdyń "qaıtadan shyńyna jetkenin" kórsetkenin atap ótti. Sońǵy aptada álemde koronavırýs ınfeksıasynyń bes mıllıonǵa jýyq jańa jaǵdaıy tirkelip, 85 myńnan astam adam  qaıtys bolǵan. Aýrýdyń ósýi Batys Tynyq muhıty aımaǵynda, Afrıka men Shyǵys Jerorta teńizinde de tirkeldi.

Raıan "kóptegen elderde ınfeksıanyń kóbeıýine ákeletin faktorlardyń jıyntyǵyn" atap ótti. Onyń aıtýynsha, qazir vırýstyń taralýynyń ótken jyldaǵydaı "draıverleri" bar, biraq olarǵa jańalary qosyldy.