QR prezıdentiniń kómekshisi Erlan Qarın qazaqstandyq ǵalymdar ázirlegen vaksınanyń ekinshi dozasyn saldyrady. Bul týraly ol óziniń feısbýk paraqshasynda málimdedi. 

– Búgin QazCovidIn vaksınasyn ekinshi ret saldyramyn. 21-22 kúnnen keıin ekinshi ret egilý qajet, – dep jazdy Erlan Qarın Facebook-paraqshasynda.

Buǵan deıin ótken jyldyń 25 jeltoqsanynda E.Qarın klınıkalyq zertteýden tys óz kelisimimen QazCovid-in vaksınasyn saldyrǵan edi.

QazAqparat agenttiginiń málimeti boıynsha, 2020 jyldyń 19 jeltoqsanda QR BǴM bıologıalyq qaýipsizdik problemalary ǵylymı-zertteý ınstıtýty ǵalymdary ázirlegen QazCovid-in vasınasyna klınıkalyq synaqtyń İİİ fazasy bastaldy. Jalpy klınıkalyq synaqtyń I jáne II fazasyna 244 qazaqstandyq qatysty. Zertteýdiń aldyn ala nátıjeleri vaksınanyń joǵary qaýipsizdigin, ımmýnogendiligin jáne tıimdiligin kórsetti. İİİ fazaǵa 3 myń erikti qatysýda. Zertteýdiń barlyq qatysýshylaryna birrettik syıaqy men medısınalyq saqtandyrý tólenedi.