Sanıtarıalyq-epıdemıologıalyq baqylaý departamentiniń basshysy, Almaty qalasynyń bas sanıtar dárigeri Jandarbek Bekshın onlaın brıfıń barysynda jańa shekteýler boıynsha qujat daıyndap jatqanyn habarlady.

Bekshınnen Almaty qalasy "qyzyl aımaqqa" enýine baılanysty qalada qandaı shekteýler engiziletinin surady.

– Brıfıńten keıin baryp, osy sharýany birjaqty etip, erteń biz engizetin jańa shekteý sharalary týraly aıtyp beremiz, – dedi Bekshın.

Almaty qalasy qoǵamdyq densaýlyq basqarmasynyń basshysy Narıman Tabynbaev qaladaǵy epıdemıologıalyq jaǵdaı alańdatyp otyrǵanyn aıtty.

– Almaty "qyzyl" aımaqqa endi. Covid-19 statısıkasy sózsiz alańdaýshylyq týdyrady. Juqtyrǵandar sanynyń kúndelikti sany 130 adamnan tómen emes. Birinshiden, biz bul kórsetkishterdi vırýstyq ınfeksıalardyń maýsymdyq shyńymen baılanystyramyz. Ár túrli senarılerdiń, sonyń ishinde jaǵymsyz jaǵdaılardyń damýyna qaramastan, qalanyń densaýlyq saqtaý júıesi koronavırýspen kúresýge daıyn, – dedi ol.