"Irannyń ıadrolyq qarý jasap shyǵýyna birneshe apta qalǵan bolýy múmkin" dep eskertti AQSH memlekettik hatshysy Antonıı Blınken.

Blınken óziniń Baıden ákimshiligi aldyndaǵy mindetterin qabyldaǵannan keıingi alǵashqy telesuhbatynda qatań eskertý jasady. NBC News tilshisi Andrea Mıchellge bergen suhbatynda Blınken Irannyń birneshe aı ishinde, tipti, birneshe apta ishinde ıadrolyq derjavaǵa aınalýy múmkin ekenin aıtty.

– Bul másele kúrdelene túsýi múmkin, óıtkeni Iran kelisimniń keıbir shekteýlerin buza berse, birneshe aptada ıadrolyq qarýǵa ıe bolýy múmkin... Ol ıadrolyq derjava bolatyn deńgeıge jaqyndady, – dedi hatshy.

Birlesken is-qımyl jospary dep atalatyn kelisim sharttaryna sáıkes, Iran ózine salynǵan ekonomıkalyq sanksıalardy jeńildetý úshin ıadrolyq baǵdarlamasyn tejeýge kelisken.

Buǵan deıin Irannyń Vashıngton kúshterine áskerı soqqy berý qaýpi jáne Izrıldyń yqtımal shabýylǵa daıyndalyp jatqany aıtylǵan. Sondaı-aq AQSH-tyń Orta Shyǵysqa ıadrolyq bombalaýshylar jibergeni jibergeni, Izraıldiń joǵarǵy áskerı basshysy Iranǵa shabýyl jasaý jasparyna buıryq bergeni habarlanǵan.