Almatyda nan satyp alýǵa shekteý qoıyldy. Endi bir adamǵa bes nannan artyq satylmaıdy.  Bul týraly Almaty qalasy kásipkerlik jáne ınvestısıalar basqarmasynyń baspasóz qyzmeti málimdedi.

Nan satylymynyń shegi HBK "Aqsaı" kompanıasynyń dúkenderinde ornatylǵan. Bul tájirıbe qazirdiń ózinde qoldanylýdy. Olar qalalyqtarǵa alańdaıtyn eshnárse joq ekenin aıtty. 

"Keı kezderi mundaı shekteýler engizilip turady. Bul – únemi jasalatyn tájirıbe. Atalǵan  sharalar tómendetilgen bólshek saýda baǵasymen nan tapshylyǵyn boldyrmaý úshin qabyldanýda. Shyndyǵynda, biz ónimderdiń baǵasyn bekitemiz. Alaıda dıllerler qymbat baǵamen qaıta satý úshin tańerteń nannyń barlyǵyn satyp alady. Sodan keıin turǵyndarda qalada nan joq jáne bári qymbat degen pikir qalyptasady. Shyndyǵynda olaı emes. Sondyqtan biz satýǵa osyndaı shekteýler engizip jatyrsyz", – dep habarlady olar. 

Shekteý tek fabrıkanyń satý baǵasymen satylatyn fırmalyq dúkenderge qatysty ekendigi habarlandy. Qaladaǵy basqa dúkenderde mundaı shekteýler joq.

Jalpy, "Aqsaı" HBK áleýmettik nan óndirisi burynǵy deńgeıde qalyp otyr. Tıisinshe, qalanyń dúkenderin ónimdermen qamtamasyz etý kólemi azaıǵan joq. Buǵan deıin ákimdik arasynda jasalǵan kelisim aıasynda "Aqsaı" HBK fabrıkada nannyń baǵasy 75 teńgeden bekitildi.