Dárigerler ǵylymı turǵyda eshqandaı vaksınasıadan keıin ólim bolmaǵanyn eske salyp, muny vaksınasıamen qatar kelgen kenetten bolǵan ajal dep sanaıdy.

Grekıanyń Krıt aralyndaǵy Iraklıon ýnıversıtetiniń aýrýhanasynda 85 jastaǵy er adam koronavırýsqa qarsy vaksına saldyryp, segiz mınýt ótkennen keıin ajal qushty dep habarlaıdy RIA Novostı.

Egde jastaǵy azamat vaksına saldyrǵannan keıin kútý zalyna baryp otyrǵan, kenet ornynan qulap túsken. Dárigerler dereý júgirip kelip, járdem bergen.

Alaıda qarıany jansaqtaý bólimine aýystyrmaq bolǵanda ol kóz jumǵan. Alǵashqy boljam boıynsha, qart kisiniń ólimi vaksınasıadan jáne alergıalyq anafılaktıkalyq shoktan emes, kerisinshe, basqa sebepterge baılanysty bolǵan.

Dárigerler ǵylymı turǵyda eshqandaı vaksınasıadan keıin ólim bolmaǵanyn eske salyp, muny vaksınasıamen qatar kelgen kenetten bolǵan ajal dep sanaıdy. Degenmen olar ólimniń naqty sebebin anyqtaý úshin tez arada sot-medısınalyq saraptamasyn júrgizýdi talap etken.

Aıta keteıik, Grekıada koronavırýsqa qarsy vaksınasıa ótken jyldyń 27 jeltoqsanda bastaldy. Qazir kún saıyn 20 myńnan asa adamǵa vaksına egiledi.

Grekıa Pfizer/BioNTech jáne Moderna vaksınalaryn paıdalanýda. 15 aqpannan bastap AstraZeneca vaksınasyn qoldana bastaǵan. Preparat 60 jastan 64 jasqa deıingilerge ǵana salynady.

Dúnıejúzilik densaýlyq saqtaý uıymynyń málimetinshe, qazirgi ýaqytta álemde COVID-19 ınfeksıasyn juqtyrǵandar sany 108 mıllıonnan asqan. 2,3 mıllıonnan astam adam pandemıanyń qurbany bolǵan.