Ilon Mask bógde ǵalamsharlyqtar týraly grafık jarıalady

/image/2021/03/25/crop-48_44_1300x1987_063633459800.webp

Tesla jáne SpaceX kompanıasynyń bas atqarýshy dırektory Ilon Mask bógde ǵalamsharlyqtar týraly qyzyqty oılaryn aıtýmen tanymal. Bul joly ol óziniń Twitter paraqshasynda bógde ǵalamsharlyqtar týraly grafık jarıalady.

Mask jarıalaǵan grafıktyń joǵary jaǵyna "bógde ǵalamsharlyqtarǵa qarsy eń myqty argýment" dep jazdy. Jarıalanǵan grafıkke sáıkes, jyl saıyn beınekameralardyń sapasy joǵarylap keledi. Al ýaqyt ótken saıyn beımálim ushpaly nysandar sýretiniń sapasy jaqsarmaı, bir orynda qalǵan. Grafık arqyly Mask belgisiz ushqysh nysandardyń sýretterine kúmán keltiretinin jetkizgen.

Bul habarlamaǵa 400 myńnan astam laık basylyp, 12 myńnan astam pikir qaldyrylǵan.

Twitter qoldanýshynyń biri "Bógde ǵalamsharlyqtar tvıtti dál osylaı jazady" dese, taǵy bir qoldanýshy buǵan deıin Masktyń ózin áleýmettik jelide bógde ǵalamsharlyq dep ataǵanyn jazdy.

Mıllıarderdiń oıyn quptaǵandar da, qarsy bolǵandar da, tipti mazaqtaǵan pikirler de boldy.

Ilon Mask buǵan deıin Mysyr pıramıdalaryn bógde ǵalamsharlyqtar salǵany týraly pikir aıtqan.

"Bógde ǵalamsharlyqtardyń Mysyr pıramıdalaryn salǵany anyq" dep jazdy ol ótken jyly jazda óziniń Twitter paraqshasynda.

Keıin Mysyrdyń halyqaralyq yntymaqtastyq mınıstri Ranıa ál-Mashat Maskty eline shaqyrdy.

Birikken Arab Ámirlikterindegi suhbatta Ilon Mask bógde ǵalamsharlyqtar adamzatty baqylap otyrǵan bolýy múmkindigin málimdegen.

Ilon Mask bógde ǵalamsharlyqtar týraly grafık jarıalady

Qatysty tegter :

Pikir qaldyrý

Qatysty Maqalalar