Jergilikti kásipkerlerdiń máselelerin jeke tártipte qarastyrylatyn bolady.

Búgin Almaty qalasy ákiminiń orynbasary Maqsat Qıqymovtyń qatysýymen Jergilikti qamtýdy baqylaý jónindegi komısıanyń kezekti otyrysy ótti. İs-sharaǵa Almaty qalasy Kásipkerler palatasy Óńirlik keńesiniń tóraǵasy Maksım Baryshev, Óńirlik kásipkerler palatasynyń dırektory Aıtýar Qoshmambetov, jergilikti atqarýshy organdar men bıznes-qoǵamdastyǵynyń ókilderi qatysty.

Otandyq taýar óndirýshilerdi qoldaý qalanyń jumyspen qamtylýyn saqtaý men ekonomıkalyq ósýiniń basty ólshemderiniń biri bolyp tabylady. Qazirgi tańda pandemıa kezeńinde otandyq kásiporyndardy qoldaý burynǵydan da mańyzdy.

Óńirlik keńes tóraǵasy Maksım Baryshev bastaǵan Almaty qalasynyń bıznes-qoǵamdastyǵy qazaqstandyq taýar aınalymyna, sondaı-aq jergilikti kásiporyndardy qoldaý sharalaryna yqpal etetin birqatar máselelerdi kóterdi.

Otyrys barysynda qala ákiminiń orynbasary Maqsat Qıqymov oryn alǵan máselelerge keshendi túrde qaraýdy jáne bas merdigerlerdiń búdjettik baǵdarlamalarynyń ákimshilerimen apta saıyn kezdesip, árbir jaǵdaıdy jeke qarastyratyn Almaty qalasy Kásipkerler palatasynyń Óńirlik keńes múshelerinen jumys tobyn qurýdy usyndy.

Mundaı pikirtalas olardyń arasynda týyndaǵan máselelerdi sheshýge yqpal etedi. Jumys tobyn qurýdyń basty maqsaty – jergilikti taýar óndirýshilerdi qoldaý.

Óz kezeginde Óńirlik keńes basshysy Maksım Baryshev bul bastamany qoldap, sondaı-aq memlekettik satyp alýdaǵy ımportty baqylaý maqsatynda kásiporyndarǵa kóshpeli monıtorıńtik toptar qurýdyń mańyzdylyǵyn atap ótti.