Bıylǵy oqýshylar arasyndaǵy respýblıkalyq olımpıada jyldaǵydan ózgeshe, onlaın formatta ótti. Bilimdiler saıysynda Mańǵystaý oblysynyń komandasy 29 medal ıelenip, qatysýshylardyń 60%-y jeńimpaz atandy. Onyń 5 altyn, 6 kúmis, 18 qola medal. Oqýshylar jaratylystaný-matematıkalyq baǵyt pánderiniń sapasy boıynsha 8 orynda, qoǵamdyq-gýmanıtarlyq baǵyt boıynsha 6 oryndy mejeledi.

Olımpıada jeńimpazdaryn búgin QR Bilim jáne ǵylym mınıstri Asqat Aımaǵambetov ınternet baılanys arqyly quttyqtap, jeńimpazdardyń ata-analary men ustazdaryna alǵysyn aıtty.

Jıyn barysynda Mańǵystaý oblysy ákiminiń orynbasary Gúlmıra Qalmuratova jeńipmaz 29 oqýshyǵa İ,İİ,İİİ dárejeli dıplomdar men medaldar tabystaldy. Sonymen qatar, jalpy bilim beretin pánder boıynsha respýblıkalyq olımpıadanyń qorytyndy kezeńinde úzdik nátıje kórsetip, İİİ oryn ıelengen Mańǵystaý oblysynyń komandasyna «Eń úzdik olımpıadalyq komanda – 2021» nomınasıasy tabystaldy. Jalpy bilim beretin pánder boıynsha respýblıkalyq olımpıadanyń qorytyndy kezeńinde İİ oryn alǵan «Bilim – ınovasıa» lıseı – ınternaty «Úzdik olımpıadalyq mektep – 2021» nomınasıasyn jáne Munaıly aýdanynyń №3 mektebi «Úzdik aýyl mektebi – 2021» nomınasıasy boıynsha marapattaldy.