13 mamyrda premer-mınıstr Asqar Mamınniń ákesi Uzaqbaı Mamın qaıtys boldy. 

Uzaqbaı Mamın 1937 jyly 1 naýryzda Aqmola oblysy Ereımentaý aýdanynyń Blagodatnoe aýylynda týǵan. 

1959 jyly Qaraǵandy taý-ken tehnıkýmyn bitirip, eńbek jolyn aǵash ustasy bolyp bastaǵan.

Selınnyı halyq sharýashylyǵy keńesiniń ÝKS-nde ınjener (1963 – 65), №1 «Bas elevator dıirmen qurylys» tresinde, Selınograd qalasyndaǵy JMK-29, JMK-24 bastyǵy (1965 – 72), 1980 jyldan Selınograd oblysy aýyl qurylysy basqarmasy bastyǵynyń orynbasary, 1983 jyldan №1 Selınograd elevator-dıirmen qurylysy tresiniń bastyǵy bolyp jumys istegen. 1986 jyly Selınograd agroónerkásiptik komıteti tóraǵasynyń orynbasary, «Selınograd oblysy agroónerkásiptik qurylysy» birlestiginiń bastyǵy bolyp taǵaıyndaldy. 

«Qazaqstannyń qurmetti qurylysshysy», «Aqmola oblysynyń Qurmetti azamaty» sekildi marapattary bolǵan.