Jeńil atletıkadan Qazaqstan quramasynyń kóshbasshysy, Qazaqstannyń medalǵa basty úmitteriniń biri bolǵan Olga Rypakova úsh qarǵyp sekirý sportynan irikteý týrynan ótpeı qaldy.

Rypakovanyń Tokıo oıyndaryndaǵy úzdik nátıjesi 13,69 metr boldy. Bul oǵan fınaldyq synǵa ótken 12 sportshynyń qataryna enýge múmkindik bermedi.

Olga Rypakova Rıo-2016 oıyndarynda qola, 2021 jyly London ótken olımpıadada altyn medal jeńip alǵan. 2018 jyly resmı túrde Beıjiń olımpıadasynyń (2008 j) kúmis júldegeri dep tanyldy. Ol 2008 jylǵy olımpıadada tórtinshi oryn alǵan. Keıin kúmis jáne qola alǵan sportshylar – grekıalyq Hrısopıa Devetsı men reseılik Tatána Lebedevanyń synamasynan dopıng tabylyp, olımpıada medalderinen aırylýyna baılanysty tórtinshi orynda turǵan Rypakova avtomatty túrde ekinshi satyǵa jaıǵasqan.

Sondaı-aq qazaqstandyq jeńil atletter Marıa Ovchınnıkova men Irına Ektovada da fınaldyq básekege óte almady.