Qala ákimi Baqytjan Saǵyntaev «Almaty» TA-daǵy Akimat live baǵdarlamasynyń barysynda kovıdti stasıonarlardyń daıyndyǵy jáne dári-dármekpen qamtamasyz etý týraly aıtty.
Búginde Almatyda 7000 ınfeksıalyq tósek oryn daıyndaldy. Onyń ishinde 6265-i qoldanysta, olardyń júktemesi 58,7%-dy quraıdy. Qosymsha rezervte 2400 tósek oryn bar. Olar qazir kezeńmen iske qosylady. Eger tamyzda ahýal ýshyǵatyn bolsa, onda 3000 rezervtik tósek oryn paıdalanylatyn bolady.
Sonymen birge, balalar men eresekterge ýrgentti jáne mamandandyrylǵan medısınalyq kómek kórsetetin negizgi mamandandyrylǵan klınıkalar, onyń ishinde onkologıalyq jáne kardıologıalyq klınıkalar jumys jasaıdy.
Anyqtalǵan jaǵdaılardyń proporsıonaldy sany boıynsha aýrýhanaǵa jatqyzý artýda. Eger bir aı buryn aýrýhanaǵa táýligine 40-70 naýqas jatqyzylsa, qazir táýligine 400-500-ge deıin pasıent qabyldanýda. 27 shildede aýrýhanalarǵa 516 naýqas tústi.
28 shildede stasıonarlarda 3943 naýqas jatyr, onyń ishinde 215 bala. 119 naýqastyń jaǵdaıy óte aýyr, 990-y aýyr halde. Infeksıalyq stasıonarlarda 500 reanımasıalyq tósek oryn bar. Júkteme - 53,4%, 267 naýqas. ÓJJ apparatynda - 28, ınvazıvti emes ókpeni jeldetýde - 110, High Flow apparatynda - 103 naýqas jatyr. Ólim-jitim sanyn azaıtý boıynsha jumystar júrgizilýde.
Tájirıbeli kafedraldy qyzmetkerler arasynan mobıldi reanımasıalyq ortalyq uıymdastyryldy. Jansaqtaý bólimderiniń medısınalyq qurylǵylarmen jabdyqtalýy 100%-dy quraıdy KVI-men kúreske 6 212 medısına qyzmetkeri qatysýda. 1700-den astam medqyzmetker rezervte. Kadrlardy qaıta daıarlaý júrip jatyr.
Telemedısına ortalyǵy men AMSK uıymdarynyń baqylaýyndaǵy úıdegi naýqastardyń sany 5 esege ósti - 7 702-ge deıin. Stasıonarlar men AMSK uıymdarynyń janynan naýqastarǵa der kezinde dıagnoz qoıý men emdeý úshin mýltıdısıplınarly toptar quryldy. Jedel járdemdi kún saıyn shaqyrý sany 2 750-ge deıin ósti, JRVI, KVI jáne pnevmonıa boıynsha shaqyrýlardyń úlesi shilde aıynda 2 esege ósti: 15-ten 30%-ǵa deıin. Qalalyq dárihanalar jelisin qamtamasyz etý úshin 5 mıllıard teńgege turaqtandyrý qory jumys isteıdi.
Dári-dármekterdiń 68 ataýy boıynsha qajetti qor jasaldy. Búginde 18,1 mıllıon qaptalǵan dári-dármekteri bar, onyń ishinde azaımaıtyn qaldyq – 8 mıllıon. Suranysqa ıe dári-dármekter qalanyń barlyq dárihanalarynda bar, qoljetimdilik 85-90%-dy quraıdy, naqtyly bary 1,3 mıllıon preparat. Sonymen qatar, 248 myń dári-dármekter paketin jetkiziledi dep kútilýde. Qalanyń medısınalyq uıymdary eki aılyq dári-dármek qorymen qamtamasyz etilgen.
Pikir qaldyrý