«Almaty mektepteri postkovıdtik kezeńde: Bilim sapasy, balalardyń densaýlyǵy jáne otbasynyń róli» onlaın-forýmynda sóılegen sózinde megapolıs ákimi Baqytjan Saǵyntaev bilimniń sapasy men ınklúzıvtiligin arttyrý máselesin kóterdi.

«Pandemıa búkil bilim berý júıesiniń osaldyǵyn aıqyn kórsetti. Sondyqtan, osy daǵdarys yqpal etken ınovasıalar men shyǵarmashylyq bizdiń bilimimizdi sapaly, ınklúzıvti jáne turaqty etý úshin qoldanylýy tıis ári bul óte mańyzdy», - dep atap ótti B. Saǵyntaev.

Almaty ákiminiń aıtýynsha, qashyqtyqtan oqytýǵa kóshýdiń alǵashqy kúnderinen bastap muǵalimderdiń tehnologıalyq daıarlyq máselesi nazarda boldy jáne jumysty uıymdastyrý tásilderin qaıta qaraý qajettiligi týyndady.

«Sondyqtan, ótken jyldan bastap qaladaǵy bilim sapasynyń tómendeýine jol bermeý jáne ózgermeli ortada onyń damýyn qamtamasyz etý úshin biz jetekshi qazaqstandyq jáne halyqaralyq sarapshylarmen birge «Almaty mektepteri» atty arnaıy úsh jyldyq baǵdarlamany ázirleýge kiristik», - dep habarlady B. Saǵyntaev.

Baǵdarlamanyń máni zamanaýı tásilder, ádister men tájirıbeler negizinde muǵalimder men mekteptiń basqarý quramyn sapaly ári jańasha daıarlaý.

«Baǵdarlama postkovıdtik kezeńde bilim berý júıesin «ońaltýǵa» baǵyttalǵan sharalardyń biri bolyp tabylady jáne ony iske asyrý qajetti oń nátıje beretinine senimdimiz», - dedi qala ákimi.

Sonymen qatar, Almatydaǵy Bolat Ótemuratovtyń qoǵamdyq qorymen birge «Jasyl mektep» mektep fermerliginiń jobasy iske qosyldy. Bıylǵy oqý jylynan bastap 16 bilim berý uıymynyń aýmaǵynda jylyjaılar jyl boıy jumys isteı bastaıdy. Osylaısha, kórshiles aýmaqtardyń kógaldandyrýdy keńeıtýge bolady, eń bastysy bul balalarǵa túrli daqyldardyń óndirisi týraly kóbirek bilýge múmkindik beredi. Bul balalar úshin tanymdyq joba bolyp tabylady.

«Jańa oqý jylynda jylynda ata- analarmen jumysqa erekshe nazar aýdarý qajet, óıtkeni olar oqý prosesiniń mańyzdy qatysýshylary bolyp tabylady. Olardyń kópshiligi, muǵalimder sıaqty, pandemıa men qashyqtan oqytý kezinde qıyndyqtarǵa tap boldy. Sondyqtan olarǵa da bizdiń qoldaýymyz qajet», - dedi B. Saǵyntaev.

Sondyqtan Bilim basqarmasyna Qamqorshylyq keńester men ata-analar komıtetteriniń qyzmetin jandandyrý, sondaı-aq múddeli organdarmen birlese otyryp, áleýmettik osal jáne az qamtylǵan otbasylarǵa qoldaý kórsetý jónindegi jumysty kúsheıtý tapsyryldy.