Vaksınalanýdyń baıaý qarqyny koronavırýs juqtyrǵandar sanynyń odan da artýyna ákelýi múmkin. Vaksınasıa vırýs mýtasıasynyń aldyn alady. Bul týraly Almaty qalasy №8 emhananyń bas dárigeri Farıda Aǵybaeva habarlady.

Emhananyń bas dárigeri ekpe alǵannan keıin COVID-19 ımýnıteti qalaı damıtynyn jáne eki komponentti alýdyń mańyzdylyǵyn aıtty.

Onyń aıtýynsha, vaksınany alǵannan keıin adam aǵzasy vaksınamen tanysady jáne ımýndyq jasýshalardyń eki túriniń jumysyn bastaıdy: V jáne T-jasýshalary.

«V-jasýshalary antıdenelerdi belsendi túrde qalyptastyrady, biraq vaksınanyń ekinshi dozasynsyz bul ımmýnoglobýlınderdiń mólsheri birneshe aptadan keıin kúrt tómendeıdi. T-lımfosıtter-ımmýndyq júıeniń negizgi qarýy. Dál osy T-jasýshalar qaýipti taýyp, qozdyrǵyshty joıady. T-jasýshalarynyń negizgi máselesi – vaksınasıanyń birinshi kezeńinen keıin ımýndyq júıe T-lımfosıtterdiń óte az mólsherin jasaıdy, al aǵza vırýsty qabyldaýǵa daıyn emes kúıinde qalady», - dep túsindirdi F. Aǵybaeva.

Sondyqtan ımýndyq reaksıanyń qalǵan bóligin iske qosý úshin vaksınanyń ekinshi dozasyn alý qajet.

«Qazirgi kezde COVID-19 vaksınalaryna júrgizilgen úlken medısınalyq zertteýlerdiń nátıjeleri kórsetkendeı, ekinshi doza qorǵanys dárejesin birneshe ese arttyrady. Izraıl ǵalymdary koronavırýstyq vaksınanyń eki dozasyn da qabyldaǵan pasıentterde qaraǵanda 6-12 ese joǵary degen qorytyndyǵa keldi. Osylaısha, biz vaksınanyń ekinshi kezeńi senimdi qorǵanys úshin asa mańyzdy ekenin kóremiz», - dedi emhananyń bas dárigeri.

Koronavırýsqa qarsy vaksınany 21 kún aralyqpen eki kezeńde alý kerek. Birinshi doza antıdenelerdiń az mólsherin óndirýge baılanysty turaqty qorǵanys áserin qamtamasyz etpeıdi. Ekinshi doza birinshisiniń áserin kúsheıtedi jáne bekitedi, adam aǵzasyndaǵy antıdenelerdiń mólsheri artady.

Almatynyń №8 emhanasy da úsh ekpe bólmesi bar ári úsh mobıldi top jumys isteıdi. Ekpe salýdy vaksınalaýǵa ruqsaty bar 36 medısınalyq qyzmetkerden turatyn alty brıgada júrgizedi.

«Emhanada egýler egov.kz portaly men tirkelý arqyly aldyn ala jazylyp, sondaı-aq kezek boıynsha, úzilissiz jáne demalys kúnderi saǵat 8.00-den 20.00-ge deıin júrgiziledi», - dedi F. Aǵybaeva.

Emhananyń egý pýnktteriniń jalpy ótkizý qabilettiligi táýligine 300-400 adam. Búginde munda 26 235 adam ekpe aldy.