Saıram aımaǵy boıynsha aýdanaralyq Memlekettik qyzmet isteri jáne sybaılas jemqorlyqqa qarsy is-qımyl basqarmasy Saıram aýdandyq  ishki saıasat  bólimimen birlese otbasy kúni qarsańynda  Aqsýkent kópsalaly kolejinde «Otbasy – otanymyzdyń  tiregi» taqyrybynda merekelik  is-shara ótkizdi. Bul týraly «Qamshy» portaly Ońtústik Qazaqstan oblysy, Saıram aýdandyq ákimshiliginiń baspasóz qyzmetine silteme jasaı otyryp habarlaıdy.

Oǵan «Nur Otan» partıasy Saıram aýdandyq fılıaly men HQKO jáne «Jastar ortalyǵy» mekemesiniń jaýapty jáne laýazymdy tulǵalary qatysty.  İs-shara barysynda «Halıd-Salar» qoǵamdyq birlestiginiń tóraıymy F.Baızaqova otbasy qundylyǵyn nasıhattaý, otanǵa degen súıispenshilikti arttyrý jáne otbasy-neke qarym-qatynastary jóninde  baıandama jasasa, kolejdiń Jastar uıymynyń tóraǵasy B.Aslan  jastar máselesi týraly habarlamalar jasap, taqyrypqa saı beınerolıkter kórsetildi.

İs-sharanyń sońy  konserttik baǵdarlamaǵa ulasyp, «Halıd-Salar» qoǵamdyq birlestigimen  arnaıy shaqyrtylǵan kórkemónerpazdar óz ónerlerin kórsetti.

İs-sharanyń maqsaty – Elbasynyń bastamasymen ótkizilip jatqan respýblıkalyq «Mereıli otbasy» konkýrsyn nasıhattaý jáne jastardy otansúıgishtik pen patrıottyq sezimge baýlý.

 «Qamshy» silteıdi