Jaqynda Ońtústik Qazaqstan oblysy, Sozaq aýdanynda otbasy kúnine oraı aýdandyq ortalyq kitaphananyń uıymdastyrýymen «Berik otbasy-el berekesi» taqyrybynda dóńgelek ústel ótkizildi. Bul týraly «Qamshy» portaly OQO, Sozaq aýdandyq ákimshiliginiń resmı saıtyna silteme jasaı otyryp habarlaıdy. Ondaǵy aqparattarǵa súıensek, Sozaq aýdandyq kitaphanasynda ótken dóńgelek ústelge zıalyq qaýym ókilderimen qatar, jas býynnyń da ókilderi qatysqan.
Aıta keteıik, merekelik sharaǵa Qulynshaq Kemeluly atyndaǵy shyǵarmashylyq birlistiginiń tóraǵasy M.Asqarov, músheleri M.Qarǵabaı, B.Sarjan jáne mektep ustazdary, ájeler keńesiniń músheleri qatysty. «Atashym-berekem», «Áje úıdiń shyryǵy» «Áke –asqar taý», Anashym ardaǵym», «Aǵanyń orny», «Asyl jenge», «Syrǵalym», taqyryptarynda ult taqyryp, urpaq tárbıesi taqyrybynda ónegeli áńgimeler, kórnekti oılar ortaǵa salyndy.  Eskerte keteıik, sozak.gov.kz  saıtynyń jazýynsha, Qazaqstannyń túkpir-túkpirinde «Otbasy» kúnine oraı túrli merekelik sharalar uıymdastyrylýda. Osy mereke qarsańynda sozaqtyqtar, ádemi rýhanı otyrys, dóńgelek ústel uıymdastyrǵan.

Sondaı-aq, kitaphana qyzmetkeri Sáýle Boranshıeva kitaphanaǵa kelip túsken jańa kitaptarǵa sholý jasap, otbasy taqyrybyndaǵy áńgimelermen maqalarǵa sholý jasady. Sharany kitaphana qyzmetkeri Gúlnar Ómirbek júrgizip otyrdy.
Birjan Jandáýletov