1 qyrkúıek bilim kúni Sozaq aýdanynda úsh birdeı bilim ordasy ashyldy. Sozaq aýylyndaǵy 600 oryndyq Naýaı jalpy orta mektebi, Shý eldi mekenindegi 150 oryndyq J. Qalambaev mektebi jáne Qaraǵur aýylyna qarasty Shaǵa eldi mekendegi 150 oryndyq S. Baqbergenov mektebi paıdalanýǵa berildi.
Á. Naýaı mektebiniń ashylý saltanatyna qatysqan aýdan ákimi M. Isaev: «Búginge deıin Sýyndyq orta mektebiniń qurylys jumystary aıaqtalyp, paıdalanýǵa berilgen bolatyn. Mine búgin aýdanymyzda úsh birdeı jańa mektep, J. Qalambaev (Shý aýyly), S. Baqbergenov (Shaǵa eldi mekeni), Naýaı (Sozaq aýyly) jalpy orta mektepteriniń qurylysy aıaqtalyp, 1 qyrkúıek bilim kúni merekesinde, paıdalanýǵa berilip otyr. Bilim berý salasy memleketimizdiń úlken qoldaýynda ekendigi belgili. Aýdanymyzda jańa bilim oshaqtary salyný jumystary munymen toqtalyp qalmaıdy. Máselen Aqqoltyq, Abaı eldi mekenderindegi Ýalıhanov, Imanov jalpy orta mektepteriniń qurylys jumystary bastaldy, keler oqý jylynda paıdalanýǵa beriledi. Búgingi tańda bilim oshaqtarynyń 91 paıyzy tıptik mektepte ornalasqan. Bul turǵydan oblysta birinshi oryndamyz» deı kele aýyl turǵyndaryn jańa ǵımarattyń ashylýymen quttyqtap, jas túlekterge jańa oqý jylynda sáttilik tiledi. Mereke kúnimen quttyqtaǵan aýdandyq maslıhattyń hatshysy B. Baıǵaraev, aýyldyq ardagerler keńesiniń tóraǵasy Ó. Bórǵazıev, oqýshylardyń jan-jaqty bilim alýyna barlyq jaǵdaı jasalǵan záýlim bilim ordasynyń ashylýyna qýanyshty ekenin bildirip, bilim salasyna Elbasynyń kórsetip otyrǵan qoldaýynyń zor ekenin atap ótti.
Sozaq aýylynda soǵylǵan 600 oryndyq Á. Novaı orta mektebiniń qurylysyn «Obl.shtabSSO» merdiger kompanıasy júrgizgen. Mektep qurylysy jyly ótken jyly bastalyp, jańa oqý jylynda tolyqtaı aıaqtaldy. 3,2 jer telimen alyp jatqan mektep ǵımaratynyń aýmaǵy 6023,07 m2 qurap otyr. Mekteptiń tehnıkalyq bazysy sońǵy úlgidegi jabdyqtarmen qamtamasyz etilgen. Barlyq kabınet sońǵy úlgidegi jabdyqtarmen qamtamasyz etilip, záýlim sport ǵımaraty, ınteratıvtik taqta, mýltımedıa-lıngafon kabınetteri ornalaqan.
Sondaı-aq, dál osy bilim kúni Shý aýylyndaǵy J. Qalambaev, Qaraǵur aýylyna qarasty Shaǵa eldi mekenderinde S. Baqbergenov atyndaǵy jańa mektepterdiń ashylý saltanatty ótti. Atalǵan sharaǵa aýdan ákiminiń orynbasarlary S. Edenbaeva men B. Álmaǵanbet qatysyp aýyl turǵyndaryn jańa ǵımarattyń ashylýymen quttyqtap, mektep oqýshylaryna ıgi tilekterin arnady.
Sozaq aýdanynda jaqyn arada demeýshiler esebinen salynǵan Tasty aýylyndaǵy 80 oryndyq, Qumkent 70 oryndyq jekemenshik balabaqsha jáne Sýyndyq pen Shaǵa eldi mekenderinde eski mekteptiń ǵımaraty balabaqsha esebinde qaıtadan ashylatyn boldy.
Aýdany ákiminiń baspasóz qyzmeti
«Qamshy» silteıdi
