Jaqynda Bolgarıanyń Plovdıv qalasynda taekvan-dodan álem chempıonaty bolyp ótken-di. Osynaý baıraqty básekede jerlesimiz Qýandyqov Ramazan Baqytuly júldeli úshinshi oryndy jeńip aldy. Taıaýda dańqty sportshy men onyń jattyqtyrýshysy Vácheslav Barashkındi aýdan ákimi Q.Aıtóreev arnaıy qabyldap, qyzý quttyqtady.  Aýdan basshysy Q.Nurjanuly elimizdiń mereıin ústem etip kelgen jerlesimizdi jeńisimen quttyqtap, “Alǵys hat” pen baǵaly syılyqtar tapsyrdy. Jas sportshyǵa óziniń júrekjardy lebizin bildirdi. 

– Meni ata-anam mektep kezinen bastap osy sport túrine baýlydy. Bertin kele ózimniń de taekvan-doǵa degen qyzyǵýshylyǵym arta tústi. Keleshegimdi de osy sportpen baılanystyrǵym keldi. Sondyqtan da mektepti aıaqtaǵannan keıin Shymkent qalasyndaǵy pedagogıkalyq ýnıversıtettiń sport jáne týrızm fakúltetine oqýǵa tústim. Bıyl atalmysh oqý ornynyń 4-shi kýrs stýdentimin. Jalpy bizdiń úıdegi úsh ul da taekvan-dony tańdaǵanbyz. Bir jaǵy aǵalaryma da eliktep óstim. Úlken aǵam Jambyl taekvan-dodan jattyqtyrýshy bolyp jumys jasaıdy, – deıdi Ramazan.

Eresekter arasynda Azıa chempıonaty men 2012 jylǵy álem chempıonatynda jasósipirimder arasynda qola júlde ıegeri atanǵan Ramazannyń sanamalaı bersek jeńisteri jeterlik. Jas ta bolsa sportta biraz bıikterdi baǵyndyrǵan Ramazanǵa biz de óz tarapymyzdan jeńisiń qutty bolsyn, áli de bıik asýlardan asyp, elimizdiń abyroıyn asqaqtata ber demekpiz.  

J.ÁBDIRAHYMOVA

 «Qamshy» silteıdi