Ońtústik Qazaqstan oblysy ákimi apparaty basshysynyń orynbasary – assambleıa hatshylyǵynyń meńgerýshisi Qalmuratov Muratáli Orazalyulynyń tapsyrmasyna sáıkes, Arys qalasynyń ishki saıasat bóliminiń uıymdastyrýymen qalamyzdaǵy №17 kolejdiń akt zalynda «Ońtústik – dostyq mekeni» jobasy aıasynda ózge ult ókilderi men jastardyń qatysýymen kezdesý uıymdastyryldy.
Kezdesýge oblystyq «Qoǵamdyq kelisim» KMM-niń bólim basshysy Ismaılov Seıdýlla Keńesbaıuly, «Qoǵamdyq kelisim» KMM-niń Tólebı aýdany boıynsha fılıalynyń basshysy Musabekov Abylaı Nurjanuly, oblystyq ózbek etnomádenı birlestiginiń «Jastar qanatynyń» múshesi Shermetov Narzýlla Faızýllauly qatysyp, taqyryp aıasynda baıandamalar jasady.
Kezdesýge qalamyzdaǵy etnomádenı ortalyqtyń ókilderi, jastar, stýdentter men BAQ ókilderi qatysty.
Kezdesý barysynda elimizdegi ishki saıası turaqtylyq pen yntymaq birlikti qalyptastyrý, dostyq qarym-qatynasty nyǵaıtý, kemel bolashaqty damytýǵa úndedi.
Sonymen qatar Qazaqstan halqy Assambleıasynyń jyly aıasynda jer-jerlerde atqarylyp otyrǵan ıgi ister men elimizdiń jetken jetistikteri, aldaǵy atqarylar isterde birlese jumys atqarýǵa jastardy shaqyrdy.
Kezdesýge qatysýshylar tarapynan suraqtar men usynys pikirler aıtylyp, tushshymdy jaýaptar berildi.
Kezdesý sońynda estelikke sýretke túsip, jergilikti buqaralyq aqparat quraldary aqparattyq qoldaýlar kórsetti.

 «Qamshy» silteıdi