Barak Obama men Pýtın arasyndaǵy pikir qaıshylyǵy Aq úıdiń shuǵyl jáne tosyn sheshim shyǵarýyna alyp keldi. Amerıka prezıdenti Barak Obama Ýkraınaǵa áskerin daıarlaýǵa arnaıy amerıkandyq ınstrýktorlaryn jiberetini jóninde málimdedi. Bul týraly «Qamshy» portaly rt.com-ǵa silteme jasaı otyryp, habarlaıdy. Obamanyń memlekettik departament arqyly jibergen 20 mln dollar kólemindegi qarjylyq kómegi áskerdi oqytý men ózge de qajetti sharalaryna jumsalmaq.  

«Amerıka úkimeti Ýkraınanyń Qorǵanys mınıstrligine kómek retinde 20 mln dollar kóleminde qarjy bólmek. Atalmysh soma memlekettiń áskerı bilimin damytý maqsatynda qoldanylatyn bolady», - dedi Prezıdent myrza.

Arnaıy operasıalanǵan ýkraın áskeriniń amerıkandyq mamandardan sabaq alýy aǵymdaǵy jyldyń qarasha aıynan bastalatyny belgili boldy.

«AQSH-tyń eń úzdik mamandary arnaıy áskerimizdi daıyndaýdy qarashadan bastaıtyny jóninde kelistik» - dep, málimdedi Petr Poroshenko, AQSH-ta turatyn ýkraın dıasporalarymen ótken kezdesýinen keıin. Sonymen qatar, Ýkraınanyń jaqyn arada áskerdi daıyndaýǵa arnalǵan qosymsha quraldarǵa ıe bolatyny jóninde aıtyp ótti.

AQSH-tyń bul kómegi ózge de halyqaralyq áskerı ınstrýktorlardy (ishinde amerıkandyqtar da bar) daıyndaýǵa baǵyttalǵan. Olardyń kóbisi Ýkraınanyń Ulttyq gvardıasy aıasynda tájirıbeden ótti.

«Bul ózara almasý, eki jaqty birdeı kómek bolmaq. Amerıkandyq áriptesterinen qalaı kúresý kerektigi jóninde tájirıbe jınaqtaıtyn ýkraındyqtar úshin ǵana emes, Reseıdiń aldyn orap ketýdi kózdegen amerıkandyqtar úshin de qyzyq bolmaq», - dedi Poroshenko.

Nazgúl Nazar