Keshe Chempıondar lıgasynyń toptyq kezeńinde qazaqstandyq «Astana» fýtbol klýbymen kezdesý ótkizgen túrkıalyq «Galatasaraı» klýbynyń oıynshysy Lýkas Podolskıı óziniń áleýmettik jelidegi ájýásy úshin túsinik berip, qazaqstandyq komandany maqtaǵan. Bul týraly «Qamshy» portaly Vesti.kz-ke silteme jasaı otyryp habalaıdy.
Túriktiń "Galatasaraı" klýbynyń jáne Germanıa quramasynyń shabýylshysy Lýkas Podolskı "Astana" komandasymen machtan keıin qarsylas komandasyn maqtap, dese de komandasynyń teń oıyn kórsetkenine kóńili tolmaıtynyn málimdegen.
«Oıyn kóńilge qonbady, sebebi 1:0 esebimen utyp turdyq, keıin 2:1 esebimen alda kele jattyq, biraq bir ǵana upaı aldyq. Úsh upaı alǵymyz kelgen. Olar da upaı aldy. Biraq biz de utylǵan joqpyz. Olar kvalıfıkasıa arqyly toptyq kezeńge ótti. Al bul kezeńde barlyq komanda qaýipti. Olar kúresti, júgirdi jáne jaqsy oınady»,-dedi Lýkas Podolskıı.
Sondaı-aq, nemis ulttyq quramasy men túrkıalyq komandanyń oıynshysy Lýkas Podolskıı Astananyń oıyny týraly aǵynn jaryla kele, «Astananyń" búgin kúreskenin, júgirgenin Chempıondar lıgasynda utýǵa laıyq ekenin kórsetti»,-dep túıindegen.
Al jýrnalıserdiń, «Siz dopty qabyldaǵanda barlyǵynyń ysqyrǵanyn nazaryńyz shaldy ma?» degen suraǵyna fýtbolshy esh qymsynbastan, «Men 25 jyldan beri fýtbol oınap kelemin. Sondyqtan mundaı jaǵdaıǵa mán bermeımin»,-dep jaýap qatqan.
Álemdik deńgeıdegi fýtbol juldyzy óziniń Borat týraly kelemejine qatysty «Ázil týraly! Men munda birinshi ret kelip turǵan joqpyn ǵoı. Men Germanıa quramasymen osynda kelgenmin. Sondyqtan bul jaqqa kelýde eshqandaı qıynshylyqtar joq», depti taǵy.
Ókinishti. Álem sportshylarynyń saıqymazaq Sashanyń (Borat keıipkerin) Qazaqstandy kelemejdeý úshin áleýmettik jelilerdi paıdalanýy qalypty jaǵdaıǵa aınalyp ketkendeı. Ashyqtan- ashyq namysymyzdy aıaqqa taptap, memleketimizdi mazaqqa aınaldyryp jatsa da, bizdiń quzyrly organdaǵylar lám-mım dep jaq ashpaýy- kúdik týdyratyny jasyryn emes.
túrkıalyq «Galatasaraı» fýtbol klýbynyń oıynshysy, shyqqan tegi nemis Lýkash Podolskıı óziniń Tvıtterine Borattyń sýretin júktep ázildegen bolatyn. Áziliniń arty halyqaralyq janjalǵa ýshyǵyp kete jazdaǵan nemis fýtbolshysy dereý keshirim suraǵan edi.
Al «Galatasaraı» fýtbolshysynyń bul qurmetsizdigine qazaqstandyq jankúıerler, qyzanaq laqtyrý kerek degen sheshimge kelgen bolatyn. Degenmen, kezdesý kezinde alańǵa shyqqan fýtbolshyǵa jankúıerler narazylyq ysqyryǵyn kórsetti.
Aıta keteıik, Chempıondar lıgasynyń toptyq kezeńinde alǵashqy kezdesýin ótkizgen qazaqstandyq «Astana» komandasy men túrkıalyq «Galatasaraı» arasyndaǵy mach 2:2 esebimen teń aıaqtalǵan. Al osy oıynda Podolskıı antıqaharman atanǵan. Osynyń aldynda «Benfıkamen» kezdesýinde qazaqstandyq komanda 2:0 esebimen ese jibergen bolsa, kelesi kezdesý 21-qazanda Madrıd qalasynda ótedi. «Astana» klýbynyń endigi qarsylasy «Atletıko» komandasy bolmaq.
Nurzat Toǵjan
«Qamshy» silteıdi
