Almaty ákimi Baqytjan Saǵyntaevtyń tóraǵalyǵymen ótken aparattyq keńeste megapolısti damytýdyń, onyń ishinde densaýlyq saqtaý jáne ana ólimin boldyrmaý salasyndaǵy ózekti máseleler qaraldy.

Qalalyq Qoǵamdyq densaýlyq basqarmasynyń málimetinshe, ana óliminiń negizgi sebepteriniń arasynda COVID-19 jáne ekstragenıtaldy aýrýlardyń bolǵanyn, COVID-19 sımptomdary baıqalsa da medısına qyzmetkerlerine kesh júgingenderin kórsetedi.

Ana ólimin tómendetý úshin otbasyn josparlaý kabınetteri jumysynyń tıimdiligin arttyrý boıynsha sharalar qabyldanýda, fertıldi jastaǵy áıelderdi dınamıkalyq baqylaý engizilýde. Sonymen qatar, áıelder konsýltasıalarynda júkti áıelderge medısınalyq kómektiń sapasyn arttyrý mindeti qoıylǵan. Qashyqtan baqylaý arqyly MSAK deńgeıinde táýekel tobyndaǵy júkti áıelderge monıtorıń júrgiziletin bolady.

Osyǵan oraı qala aýdandary boıynsha úılestirýshiler, qalanyń bas akýsher-gınekology anyqtaldy, áıelder konsýltasıalarynyń, otbasyn josparlaý kabınetteriniń jumysyna monıtorıń júrgiziledi. Sondaı-aq, júkti áıelderdi baǵyttaý algorıtmderi jáne tótenshe jaǵdaılar kezindegi áreketter jasaldy. Birinshi basshylardyń jeke jaýapkershiligi kúsheıtildi. Kópbeıindi stasıonarlardy bosandyrý uıymdarymen klaster formatynda biriktirý josparlanýda.

Perzenthanalarda kadrlar tapshylyǵyn joıý jáne olardyń biliktiligin arttyrý maqsatynda rezıdentýrada 2021-2023 oqý jyldary 6 akýsher-gınekolog daıarlyqtan ótedi. Al, 2022-2024 jyldary – 4 maman.

Almaty ákimi B. Saǵyntaev ana ólimin azaıtý maqsatynda is-sharalar josparyn iske asyrýǵa baqylaýdy kúsheıtýdi tapsyrdy. Sonymen qatar, qala ákimi bosandyrý uıymdarynyń materıaldyq-tehnıkalyq bazasyn jaqsartý mindetin alǵa qoıdy. Ol úshin aǵymdaǵy jáne kelesi jyldary qajetti jabdyqtar satyp alynady, al 2023-2024 jyldary perzenthanalardy zamanaýı sorý-syrtqa taratý jeldetkishin ornata otyryp, kezeń-kezeńimen rekonstrýksıalaý qarastyrylǵan.