El Táýelsizdiginiń 30 jyldyǵy aıasynda Mańǵystaý oblysynyń Beıneý aýdanyna qarasty Boranqul aýylynda turǵyndarǵa tartý jasalyp, 6 joba iske asty. Bul týraly Beıneý aýdany ákimdiginiń baspasóz qyzmeti habarlady. 

Boranqul aýylynyń belsendileri «Qoǵamdyq keńistikter» baǵdarlamasyna qatysyp, eldi mekenniń ınfraqurylymyn jaqsartýǵa baǵyttalǵan 12 jobaǵa ótinim bergen. Onyń jeteýi maquldanyp, grant bólingen. Qazir 6 joba paıdalanýǵa berildi. 

-«Aýyl turǵyndarynyń qajettiligin eskere otyryp ári aýylymyzdy kórkeıtý maqsatynda birneshe jobalar júzege asyryldy. Aıtap aıtsaq, «Kórkeıe ber, mektebim» atty alań men jaıaý júrginshiler joly, «Deni saý urpaq-el bolashaǵy» sport jáne balalar oıyn alańy, «Balanyń oıyny - balanyń bolashaǵy» balalar oıyn alańy, «Jastar aleıasy» kógaldandyrý jumystary, «Balaýsa balǵyn balalyq shaq» balalar oıyn alańy, «Street workout» kóshe trenajer alańy salyndy. Al «Jeńiske degen ynta» fýtbol alańyna jóndeý jumystary júrgizilgen. Bul jumystar «Teńizshevroıl» JSHS men Ortalyq Azıanyń Eýrazıa Qorynyń demeýshiligimen júrgizildi», - dedi joba úılestirýshisi Aıtbaı Sıyquly.