Brıfıń barysynda Memleket basshysy Qazaqstan men Tájikstan táýelsizdiktiń alǵashqy kúnderinen beri ózara senim men dostyqqa negizdelgen saıasat júrgizip kele jatqanyn aıtty. Bul týraly "Qamshy" portaly akorda.kz-ke silteme jasaı otyryp habarlaıdy.

Tájikstanda 90-jyldardyń basynda qıyn kezder boldy, biraq biz árdaıym tájik halqymen birge boldyq. Múmkindigimizge qaraı gýmanıtarlyq jáne áskerı-tehnıkalyq kómek kórsettik. Óıtkeni, bizdiń halyqtarymyz Ortalyq Azıada bir-birine degen qurmet negizinde ómir súrip, ózara yqpaldasýǵa úırengen, – dedi Nursultan Nazarbaev.

Memleket basshysy aýmaqtyq jáne mádenı-tarıhı jaqyndyq sekildi oń úrdister bar ekenin eskere otyryp, elderimizdiń arasyndaǵy qarym-qatynasty odan ári damytý qajettigine nazar aýdardy.

Qol qoıylǵan strategıalyq seriktestik týraly kelisim 80 qujattan turatyn qoldanystaǵy shart bazasyna serpin beretin bolady. Qazaqstan búginde ındýstrıalyq damý saıasatyn júrgizip otyrǵandyqtan, jekemenshik tájik kompanıalaryn múmkindiginshe yntymaqtastyqqa shaqyramyz, – dedi Qazaqstan Prezıdenti.

Nursultan Nazarbaev eki el bir-birin EQYU, BUU jáne IYU sıaqty jahandyq uıymdar aıasynda qoldaý kórsetip kele jatqanyn atap kórsetti.

Biz tájik tarapyna BUU Qaýipsizdik keńesiniń turaqty emes músheligine bizdiń kandıdatýramyzdy qoldaǵany úshin rızamyz. Sizdiń el sý-energetıka salasyndaǵy qarym-qatynastar boıynsha da syndarly kózqaras ustanyp keledi, – dedi Elbasy.

Sonymen qatar Memleket basshysy Tájikstannyń halyqaralyq terorızmge qarsy is-qımyl barysyndaǵy róli zor ekenin atap ótti

Sońynda Qazaqstan Prezıdenti  mádenı-gýmanıtarlyq yntymaqtastyqty odan ári damytý qajettigine nazar aýdardy.

Biz kúni keshe Qazaq handyǵynyń 550 jyldyǵyn atap óttik. Bizde ortaq mádenıet pen tarıh bar. Bizdiń óńirde ǵasyrlar boıy uly oqıǵalar bolyp ótti, olar bizdiń halyqtarymyzdy biriktire tústi, – dedi Nursultan Nazarbaev.

Brıfıń aıaqtalǵannan keıin Nursultan Nazarbaev I.Somonıdiń eskertkishine gúl shoǵyn qoıdy.