Astana. 15 qyrkúıek. Parlament Senaty Áleýmettik-mádenı damý jáne ǵylym komıtetiniń keńeıtilgen otyrysynda «Qazaqstan Respýblıkasynyń Úkimeti men Dúnıejúzilik densaýlyq saqtaý uıymy arasyndaǵy Qazaqstan Respýblıkasynyń Almaty qalasynda Dúnıejúzilik densaýlyq saqtaý uıymynyń medısınalyq-sanıtarıalyq alǵashqy kómek jónindegi geografıalyq jaǵynan qashyq ornalasqan ofısin ashý týraly kelisimdi ratıfıkasıalaý týraly» zań jobasy qaraldy. Bul týraly "Qamshy" portaly Bak.kz ke silteme jasaı otyryp habarlaıdy.

Ofıstiń negizgi mindetteri medısınalyq-sanıtarıalyq alǵashqy kómekti damytý salasynda densaýlyq saqtaý qyzmetterin kórsetý jónindegi jumystardy kúsheıtý, Dúnıejúzilik densaýlyq saqtaý uıymynyń Eýropalyq óńirlik búrosynyń densaýlyq saqtaý qyzmetterin ádil, qaıyrymdy, nátıjeli jáne tıimdi usynýǵa qatysty óńirlik jáne jahandyq deńgeıde qabyldanǵan mindetterin oryndaý jónindegi qyzmetine járdemdesý jáne qoldaý kórsetý bolyp tabylady. 
Sondaı-aq, zań jobasynda joǵary sapaly fýnksıonaldyq jáne ınovasıalyq bilim berý, medısınalyq qyzmet kórsetýde úılestirýdi, ıntegrasıalaýdy jáne úzilissizdikti qamtamasyz etý, pallıatıvtik kómekti qosa alǵanda, sozylmaly jaı-kúılerin eskere otyryp, ómirdiń ártúrli kezeńderinde pasıentterdi jáne aýrý jaǵdaılaryn qadaǵalap otyrý, sonymen birge múshe memleketter densaýlyq saqtaý qyzmetterimen jappaı qamtýdy ulǵaıtý jóninde kúsh salýda ushyrasatyn basqa ózekti máseleler boıynsha normalar bekitilgen.
Zań jobasy Palatanyń qaraýyna jiberildi.