Astana. 15 qyrkúıek. Almatyda UOS-na qatysýshylar men aǵa urpaq ókilderine qoǵamdyq kólikterde tegin júrý quqyǵy beriledi. Qala ákimi Baýyrjan Baıbektiń tóraǵalymen ótken qalalyq Máslıhattyń V shaqyrylymyndaǵy 43-shi sesıasynda depýtattar jeńildetilgen jolaqy týraly sheshimdi biraýyzdan qoldady. Bul týraly "Qamshy" portaly Baq.kz-ke silteme jasaı otyryp habarlaıdy.

Depýttar «Almatynyń muqtaj azamattarynyń jekelegen sanattaryna qalalyq qoǵamdyq kólikte (taksıden basqa) jolaqy jeńildigin berý týraly» jáne elektrondy jol júrý kartalaryna sáıkes qalalyq qoǵamdyq kólikte (taksıden basqa) tarıf qunynyń 50% kóleminde, sondaı-aq 15 jastan asqan jalpy bilim beretin mektepterdiń oqýshylaryna, kúndizgi oqý nysanyndaǵy tehnıkalyq jáne kásibı bilim beretin oqý oryndary men joǵary oqý oryndarynyń stýdentterine, jasyna baılanysty zeınetkerlerge jeńildetilgen jol júrý múmkindigi berý týraly máselelerdi qarady. Bulardan ózge, elektrondyq jol júrý kartalarǵa sáıkes Uly Otan soǵysynyń qatysýshylary men múgedekterine jáne 75 jastan asqan tulǵalarǵa qalalyq qoǵamdyq kólikte (taksıden basqa) tegin jol júrý múmkindigi beriletin boldy.
Qala ákimi qazirgi kúrdeli jaǵdaıda aǵa býyn ókilderine qoldaý bildirýdiń qajet ekendigin atap ótti.