Qaraǵandy oblysynda birinshi jartyjyldyqta ishki týrızmniń 8,9 paıyzǵa ósken. Bul týraly oblystyq kásipkerlik basqarmasynyń basshysy Tatána Abylaeva habarlady. Bul týraly "Qamshy" portaly QazAqparatqa silteme jasaı otyryp habarlaıdy.
«Memleket basshysy Qazaqstan halqyna «Nurly jol - bolashaqqa bastar jol» Joldaýynda Qazaqstannyń ınfraqurylymdyq damýynyń mańyzdylyǵyn atap ótken. Jeke baǵyty - týrızm úshin ınfraqurylym. Onyń basty artyqshylyǵy odan da kóp jumys oryndaryn qurý múmkindigi bolyp otyr. Bul salada bir jumys ornyn qurý ónerkásipke qaraǵanda 10 ese arzan», - dedi oblys ákimdigindegi apparat keńesinde sóz sóılegen T.Abylaeva.
Baıandamada atap ótilgendeı, birinshi jartyjyldyqta oblysta týrızm ınfraqurylymyna 199 qonaqúı, motel, jazǵy aımaqtar men lagerler, demalys úıleri men basqa da nysandar kirgen. Ótken jyldyń osyndaı kezeńimen salystyrǵanda olardyń sany 12,4 paıyzǵa ósti.
«Kelýshilerdiń sany 115,5 myń adamdy quraǵan, bul ótken jyldyń osyndaı kezeńimen salystyrǵanda 6,8 paıyzǵa ósti. Jalpy sannyń 94 paıyzy - respýblıka turǵyndary, qalǵan 6 paıyzy - shetel azamattary. Bul rette ishki týrızm boıynsha 8,9 paıyzdyq ósim atap ótiledi», - dep habarlady kásipkerlik basqarmasynyń basshysy.
Esep berý málimetterinshe, ornalastyrý salasyndaǵy qyzmet kólemi 1,5 mlrd. astam teńgeni quraǵan, bul 2014 jyldyń birinshi jartyjyldyǵynyń kórsetkishine qaraǵanda 12,4 paıyzǵa asyp otyr. «Bul ósimge ornalastyrý nysandaryn salýǵa arnalǵan jekemenshik ınvestısıalardy tartý, jobalardy «Bıznestiń jol kartasy-2020» memlekettik baǵdarlamasy aıasynda qoldaý, sondaı-aq ótkizilip otyrǵan jarnamalyq-ımıdjdik sharalar septigin tıgizip otyr», - dedi T.Abylaeva.
Ol jyl basynan beri ornalastyrý nysandarynyń qurylysy boıynsha 11 joba iske asyrylǵanyn habarlady, sonyń ishinde jalpy somasy 440 mln. astam teńgeni quraıtyn 5 joba «Bıznestiń jol kartasy-2020» boıynsha qoldaý aldy.
«Prıozersk qalasynan 5 shaqyrym jerde 150 adamǵa arnalǵan «Balqash» shıpajaıynyń ashylýy jyldyń mańyzdy oqıǵalarynyń biri boldy. Jobanyń jalpy quny 5 mlrd. teńgeden asty, bul respýblıkalyq búdjettiń qarajaty boldy. Atalǵan jobany iske asyrý týrıser aǵynyn ósirýge septigin tıgizip, aımaq kásipkerligin belsendetýge yntalandyrý bolmaq», - dep qosyp ótti T.Abylaeva.
