2020 jylǵa qaraı Qazaqstandaǵy jan basyna shaqqandaǵy jalpy ishki ónim 13,2 myń dollarǵa deıin ósetin bolady. Bul týraly búgin Májiliste «2016-2018 jyldarǵa arnalǵan respýblıkalyq búdjet týraly» zań jobasynyń tanystyrylymy barysynda Ulttyq ekonomıka vıse-mınıstri Marat Qusaıynov málim etti. Bul týraly "Qamshy" portaly Qazaqparatqa silteme jasaı otyryp habarlaıdy.

«Jalpy ishki ónimniń nomınaldy kólemi 2016 jyly 44 trln teńgeden 2020 jylǵa qaraı 61,5 trln. teńgege deıin ósetin bolady. Bul rette teńgeniń esep aıyrysý baǵamynyń ózgerýin eskere otyryp, 2016 jyly jan basyna shaqqandaǵy jalpy ishki ónim 9,9 myń AQSH dollaryna deıin tómendeıtini, al 2020 jylǵa qaraı 13,2 myń AQSH dollaryna deıin ósetin bolady», - deıdi vıse-mınıstr.

Marat Qusaıynovtyń sózine qaraǵanda, 2016 jyly elimizdegi ónerkásip kólemi bıylǵy jyldyń deńgeıinde saqtalatyn bolady. 2017-2020 jyldary bul sala tıisinshe 1,7 paıyzdan 3,8 paıyzǵa deıin ósetini kútiledi.