13-14 qazan kúnderi Aqtóbede el Táýelsizdiginiń 30 jyldyǵyna arnalǵan jáne «Rýhanı jańǵyrý» baǵdarlamasyn júzege asyrý maqsatynda ótken «Edige degen er eken» atty respýblıkalyq jyrshylar baıqaýy óz máresine jetti. Jyrshylar baıqaýyna elimizdiń ár óńirinen 17 jyrshy qatysty.

Óner dodasyn jyrshy-jyraý, Mańǵystaý oblystyq ǵylymı-ádistemelik, mádenı qyzmet kórsetý ortalyǵynyń mamany Eldos Emil tóraǵalyq etken qazylar alqasy saralady.

Baǵzy ónerdi ulyqtaý jolyndaǵy eki kúnge sozylǵan baıqaýda jeńimpazdar anyqtalyp, qatysýshylarǵa dıplom, «Er Edige - Noǵaıly dáýiriniń jyry» atty mýzykalyq antologıasy, arnaıy «Edige» qoǵamdyq qorynyń «Edige» tósbelgisi tabystaldy.

Qazylar alqasynyń sheshimimen bas júldege mańǵystaýlyq Sársenbaı RAHMANBERDIEV laıyqty dep tanyldy. Jeńimpazǵa 700 myń teńgeniń sertıfıkaty tabystaldy.

Birinshi oryn men 500 myń teńgeniń júldesi Berdibaı TOIGÝLYEVKE buıyrdy (Aqtóbe oblysy). Ekinshi oryn júldegerleri Farhad ORAZOV (Batys Qazaqstan oblysy) pen Jeńis ELEMESOV (Aqtóbe oblysy) atandy. Árqaısysy 350 myń teńgege ıe boldy. Úshinshi júldeni Manash ÁDİLBAEV (Mańǵystaý oblysy), Nuraıym ERTALAPQYZY (Nur-Sultan q.) jáne Samal MEDEÝBAEVA (Aqtóbe oblysy) ózara bólisti.

Olardyń árqaısysyna 250 myń teńgeniń sertıfıkattary berildi.
Sondaı-aq «Er Edige" atyndaǵy arnaıy júlde men 350 myń teńgeni Amankeldi SÁŃKİBAEV (Mańǵystaý oblysy), "Aqtóbe oblysy ákiminiń" arnaıy júldesi men 150 myń teńgeni Abdýrrahman Estaıuly (Nur-Sultan q.), "Jas jyrshy» júldesi men 150 myń teńge Ǵanı Qaırollaevqa buıyrdy (Aqtóbe oblysy).

Jyrshylar baıqaýyn Aqtóbe oblysy ákimdiginiń qoldaýymen oblystyq mádenıet, arhıvter jáne qujattama basqarmasy men Halyq shyǵarmashylyǵy ortalyǵy uıymdastyrdy.