Qaraǵandy oblysynda jas kásipker Azamat Chalgyzbaev sýreti bederli shynydan jasalǵan oıý-órnekti qysh taqtaısha jasaýdyń óz tehnologıasyn oılap tapty. Bul týraly "Qamshy" portaly Bı nús-ke silteme jasaı otyryp habarlaıdy.

Azamattyń ózi áńgimelegendeı, ázirge onyń taqtalary elimizde óndiriletin jalǵyz ónim. Interer sheberleri óz jumysynda Italıadan ákelinetin qymbat ımporttyq taqtaǵa táýeldi, onyń baǵasy 14 pen 45 myń teńge mańaıynda. Al Azamat óz ónimin 3500-12000 teńgege baǵalaýda.

«Dekoratıvti shyny óndirý tehnologıasy mynadaı, arnaıy qospa belgili bir temperatýrada shynymen qosa qyzdyrylyp, monolıt paıda bolady, osy rette belgili temperatýra deńgeıinen asyrmaǵan jón, sebebi shyny shytynap ketýi múmkin», - deıdi Azamat.

Onyń aıtýynsha, daıyn ónimdi kez kelgen ıntererde paıdalanýǵa bolady.

«Bul tehnologıanyń ereksheligi nede: ónimniń tústik gammasy, bizde onyń sany – 28. Olardy utymdy úılestire otyryp, qajetti faktýraǵa qol jetkizýge bolady. Máselen, Qazaqstanda az-kem óndiriletin mármár, aǵash faktýralary. Onyń bári bizde negizinen Reseıden ákelinedi, al qymbattary Italıa men Ispanıadan», - dep eskerdi A.Chalgyzbaev.

Osynaý biregeı tehnologıanyń avtory Azamat qajetti nátıjege ishki sezimine qulaq túre otyryp jetkenin aıtady.

«Ideıanyń ózine synap kórý jáne qatelesý ádisi arqyly keldim. Ózim tehnıkalyq zerthananyń jetekshisi bolyp jumys istedim. Osy zerthanada taldaý jasap, synap kórip, qyzdyryp, pisirip, quramyn ózgertip, aqyry osyndaı nátıjege qol jetkizdim. Birinshiden, ol myqty ári uzaq qyzmet atqarady, ekinshiden, syz ben ylǵal ótkizbeıdi. Bul taqtany irgege de, edenge de, tipti, ǵımarattyń syrtyn qaptaýǵa da paıdalanýǵa keledi», - dep túsindirdi maman.

Taıaýda qazaqstandyq kásipker elordalyq shyny óndirýshilermen kezdesip, biregeı tehnologıa kóńilderinen shyqqan olar Azamatty Astanaǵa jumys isteýge shaqyrypty.

Alaıda Azamat «Damý» qorynyń «Startup «Bolashak» startap-jobalar baıqaýyna qatysyp, 3 pen 7 mln teńge arasynda grant jeńip alsam deıdi. Sondaı-aq óz ıdeıasyn qurylys salasyndaǵy ınvestorlarǵa da tanystyrsam degen oıy bar. Bolashaqta óz óndiris oshaǵyn ashýǵa da nıetti.

«Eger bári oıdaǵydaı ótse, jumysqa 6-12 adam alam ba dep otyrmyn. Logıstıka jaǵyn da oılastyrý kerek. Degenmen, asa úlken qıyndyq týyndamaıdy dep oılaımyn, sebebi bizdiń Prıozersk tasjoldardyń qıylysynda sátti ornalasqan. Qazir, eń bastysy, bederli sándik shyny taqtalardyń bizdiń elimizde de ári arzan baǵaǵa óndiriletin áldeqaıda kóp adam bilse eken, estise eken deımin», - dep oıyn túıindedi Azamat esimdi jas kásipker.