Qazaqstan Respýblıkasynyń Memlekettik hatshysy Gúlshara Ábdiqalyqovanyń tóraǵalyǵymen Qazaqstan Respýblıkasy Prezıdenti janyndaǵy Sybaılas jemqorlyqqa qarsy kúres máseleleri jónindegi komısıanyń otyrysy ótti
Kún tártibine sáıkes jer qatynastary salasyndaǵy, Aq bulaq» jáne «Bıznestiń jol kartasy – 2020» baǵdarlamalaryn iske asyrýǵa bólingen búdjet qarajatyn ıgerý barysyndaǵy sybaılas jemqorlyqqa qarsy qabyldanyp jatqan sharalar talqylandy. Bul týraly "Qamshy" portaly akorda.kz-ke silteme jasaı otyryp habarlaıdy.
G.Ábdiqalyqova álemniń damyǵan 30 eliniń qataryna enýge baǵyttalǵan «100 naqty qadam» Ult josparynda Memleket basshysy qoıǵan mindetter memlekettik baǵdarlamalardy iske asyrýǵa bólinetin búdjet shyǵystaryna qatań baqylaý júrgizýdi talap etetinin aıtty.
Memleket halyqtyń ómir sapasyn jaqsartýǵa jáne kásipkerlikti damytýǵa qolaıly jaǵdaılar jasaýǵa baǵyttalǵan aýyz sýmen qamtamasyz etý jáne «Bıznestiń jol kartasy – 2020» baǵdarlamalaryn iske asyrý úshin iri mólsherde qarjy bólýde. Al jasalǵan taldaý barysy baǵdarlamalardy júzege asyrý kezinde búdjet qarajatyn bólý isinde sybaılas jemqorlyqtyń qaýip-qateri joǵary bolatynyn kórsetti.
Memlekettik hatshy memlekettik organdar nazaryn jer qatynastary salasynda sheshimder qabyldaýdyń aıqyndyǵyn qamtamasyz etý boıynsha qosymsha uıymdastyrýshylyq-quqyqtyq mehanızmder ázirleý, jalpy halyqqa elektrondyq formatta memlekettik qyzmet kórsetý aıasyn keńeıtý qajettigine aýdardy.
Otyrysta Ulttyq ekonomıka mınıstri E.Dosaevtyń, Bas prokýror
A.Daýylbaevtyń, Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary A.Shpekbaevtyń baıandamalary tyńdaldy.
Komısıa otyrysynyń qorytyndysy boıynsha memlekettik organdarǵa birqatar tapsyrmalar men usynymdar berildi.
