"Ýkraına burynnan bar beıbit kelisimderge nuqsan keltiretin bolsa, Kıev óziniń túbine ózi jetedi" dep eskertti Reseıdiń BUU-daǵy turaqty ókili Vasılıı Nebenzá BUU Qaýipsizdik keńesindegi daǵdarysty talqylaýda. 

Reseı Ýkraınamen shektesetin tusqa júz myńǵa jýyq áskerin ornalastyrǵanyna baılanysty AQSH bastamasymen BUU qaýipsizdik keńesiniń otyrys ótti.

Seısenbi kúni keshte AQSH Memlekettik hatshysy Antonı Blınken men Reseı Syrtqy ister mınıstri Sergeı Lavrov kelissózder ótkizedi dep kútilýde.

Al dúısenbide Reseı prezıdenti Vladımır Pýtın Reseı men Fransıa basshysy Emmanýel Makronmen telefon arqyly sóılesken.

"Eki kóshbasshy telefon arqyly baılanysyp turýǵa jáne jeke kezdesý múmkindigin tez arada qarastyrýǵa kelisti" delingen Kreml málimdemesinde.

Ýkraına daǵdarysyna baılanysty batys elderi men Reseı arasyndaǵy shıelenis qalaı órbip jatyr: 

• "Reseı Ýkraınaǵa basyp kirý úshin syltaý daıyndap jatyr" dep habarlady Ál-Jazıra telearnasy.
• "Reseı Ýkraınaǵa basyp kirýi múmkin" degen qaýip kúsheıgen kezde AQSH-tyń Memlekettik hatshysy Entonı Blınken Eýropaǵa bardy. 
• "Barlyq nusqa tys qalmaıdy. Dıplomatıalyq nusqa da". AQSH memhatshysy Eýropaǵa nege bara jatyr?
• Djo Baıden Reseı Ýkraınaǵa shabýyl jasasa, Máskeýdi "apat" kútip turǵanyn eskertti.
• AQSH barlaý agentteri Reseı Ýkraınaǵa qashan shabýyldaýy múmkin ekenin jarıalady.
• Reseı soǵys ushaqtary Kıevke jaqyn Belarýs eline jınaldy.
• Aǵylshyn saıasatkeri Reseı Ýkraınaǵa basyp kiretini sózsiz ekenin jáne shabýyl jaqyn arada bolatynyn málimdedi.
• AQSH, Ulybrıtanıa Ýkraınaǵa qarý-jaraq jiberip jatyr.
• Danıa, Ispanıa, Fransıa jáne Nıderlandy Shyǵys Eýropaǵa joıǵysh ushaqtar men áskerı kemeler jiberýde.
• Reseı yqtımal shabýyl týraly aqparattardy joqqa shyǵardy.
• Germanıa qazirge Ýkraınaǵa qarý-jaraq bermeıtinin aıtty biraq medısınalyq kómek kórsetetinin jarıalady.
• Eki jaq (Batys-Reseı) soǵysqa daıyndyqpen qosa, dıplomatıalyq kelisimge kelýge tyrysýda.
• Fransıa men Germanıa Reseıdi dıalogqa shaqyrdy.
• Reseı, Ýkraına, Germanıa jáne Fransıa dıplomattary kelissóz júrgizdi.
• Batys elderi Ýkraınaǵa shabýyl jasalsa, zardaby aýyr bolatynyn málimdedi.
• AQSH óz azamattaryn Ýkraınadan shyǵyp ketýge shaqyrdy.
• "Biz qalaı bolsa da daıynbyz". NATO Reseıdiń talabyn toıtardy.
• Baıden: Bul – ekinshi dúnıejúzilik soǵystan keıingi eń iri shabýyl bolýy múmkin. 
• Baıden Reseıdiń Ýkraınaǵa qashan shabýyl jasaıtynyn aıtty.

• Vashıngton Reseı qubyryn jaýyp, BUU qaýipsizdik keńesiniń otyrysyn ótkizetinin jarıalady.

• BUU qaýipsizdik keńesiniń otyrysy barysynda Reseı men AQSH ókilderi sózge kelip qaldy.