Reseıdiń Sırıadaǵy áskerı operasıasy qarqyndy túrde beleń alýymen ǵana emes, óziniń maqsattarymen de tańqaldyrýda. Jaýaby joq kóptegen suraqtarǵa EO-daǵy Reseı ókili Vladımır Chıjov jaýap berdi.
Evronús: Reseıdiń Sırıaǵa qatysty maqsaty qandaı?
Vladımır Chıjov: Muny ózgeler qalaı atasa da Reseı ILIM men Da’esh tarapynan bolǵan terorıstik qaýipterge qarsy kúreske qatysýǵa nıetti ekenin aıtqan bolatyn. Reseı Sırıaǵa jaı ǵana kómek kórsetip jatqan joq. Terrorıster quramynda Reseı jáne ózge TMD memleketteriniń 2 myńǵa jýyq azamaty bar. Biz ol adamdardyń jeńiske jetip, Otanyna oralǵanyn qalamaımyz.
EN: Sırıalyq qaqtyǵystyń jalǵasyp jatqanyna tórt jylǵa jýyq ýaqyt boldy. Nege dál qazir kúreske qatysý týraly sheshim qabyldandy?
VCH: Sırıadaǵy jaǵdaı Sırıanyń ózi úshin ǵana emes, jalpy qıyr Shyǵys aımaǵy úshin qaýipti bola bastady. Biz halyqaralyq quqyqqa sáıkes iske aralasýymyz kerek dep sheshtik.
EN: Biraq operasıa masshtaby tańdaı qaqtyrady. Reseı tarapynan 20 shabýyldaýshy ushaq, tankter, bronetransporterlar jáne ózge de zamanaýı áskerı jabdyqtar qatysýda. Bul sonda Úshinshi dúnıejúzilik soǵys pa?
VCH: Joq, Sırıadaǵy jaǵdaıdy Úshinshi dúnıejúzilik soǵys deýden aýlaqpyn. Reseıdiń atalmysh aımaqtaǵy áskerı quraldary ózge qatysýshy elderdiń qarýymen salystyrǵanda túk emes.
EN: Álde Reseı Qıyr Shyǵystan plasdarmǵa ıe bolǵysy kele me?
VCH: Bul ózge elge shabýyl jasaýǵa daıarlyq júrgizetin aımaq qurý týraly másele emes. Árıne, bizdiń Qıyr Shyǵysta tek dıplomatıalyq jáne saıası maqsatta bolatynymyz daýsyz. Biraq, áskerı qajettilik týatyn jaǵdaıda halyqaralyq quqyq negizinde iske kirisemiz.
EN: Demek, operasıa aıaqtalǵan mezette Sırıadan ketesizder me?
VCH: Bul operasıanyń qansha ýaqytqa sozylatynyn men bilmeımin. Degenmen, atalmysh aımaqtyń Reseı áskerine qajettiligi joǵalǵan jaǵdaıda, biz áskerı búdjetti qoldanýdyń basqa jolyn tabamyz.
EN: Bul qajettilik qandaı jaǵdaıda joǵalýy múmkin?
VCH: Terorıstik qaýip-qater joıylyp, zamanda beıbitshilik pen turaqtylyq ornaǵanda ǵana!
EN: Batys BAQ-tarynda Reseıdiń ILIM-ge emes, Bashara ál-Asadtyń bıligine qarsy shyqqan kóterilisshi toptarǵa shabýyl jasap jatqany týraly jazylýda…
VCH: Reseılik ásker ILIM jáne ILIM-men baılanysty Djab ál-Nusra ispetti terorıstik toptarǵa qarsy soqqy jasaýda.
EN: Sırıadaǵy óz áreketterińizdi, Fransıany qospaǵannnyń ózinde, AQSH áskerı operasıalarmen qalaı sáıkestendirip otyrasyzdar?..
VCH: Biz bir-birimizdi aqparattandyramyz.
EN: Sırıadaǵy soǵysty toqtatý úshin saıası proses bastap úlgerdińizder me?
VCH: Shyn máninde, bul sırıalyq saıası proses bolýǵa mindetti. Bul týraly 2012 jyldyń qańtar aıynda iri derjavalar ózara kelisken bolatyn. Biz deldal rólin atqarmaımyz. Bir-birimen tikeleı baılanysqa shyǵýǵa kómektesetin alańmen qamtamasyz etemiz.
Derekkóz: euronews.com
Nazgúl Nazar
