Búgin elordada "Mega" SOO aldyndaǵy alańda kezekti aýylsharýashylyq jármekesi ótýde. Eki kún boıy Pavlodar oblysynyń taýar óndirýshileri elorda turǵyndaryna óz ónimderin usynady. Jármeńkede Astana turǵyndary kókónis, et jáne sút ónimderin naryq baǵasynan 15-20 paıyz arzan baǵamen satyp ala alady. Bul týraly Qamshy portaly Astana ákimdiginiń baspasóz qyzmetine silteme jasaı otyryp habarlyıdy.

Jármeńkege Pavlodar óńirinen jalpy somasy 172,0 mln. teńgeni quraıtyn 575 tonna ónim ákelindi.

Pavlodarlyq kásiporyndar men aýylsharýashylyq qurylymdardyń et jáne etten jasalǵan ónimderi - 108 tonna, sút ónimderi – 25 tonna, kókónister men baqsha daqyldary – 490 tonnany quraıdy.

Azyq-túlik taǵamdarymen qatar, munda "Kazaq taǵamdary" shatyrynda ulttyq asqana ónimderi de usynyldy.

Jármeńkege kelýshilerge arnaıy konserttik baǵdarlama uıymdastyryldy. Shara aıasynda I. Baızaqov atyndaǵy Pavlodar oblystyq fılarmonıasynyń jáne «Shańyraq» ortalyǵynyń tvorchestvolyq ujymdary óner kórsetýde.

Eske salaıyq, 25 qyrkúıek kúni Astana qalasy men Pavlodar oblysynyń ákimderi saýda-ekonomıkalyq Kelisimge qol qoıǵan bolatyn. Kelisim sheńberinde Pavlodar oblysy taýar óndirýshileri óz ónimderin Astana qalasyna naryq baǵalarynan tómen baǵamen jetkizip turady. Sondaı-aq, elordada Pavlodar oblysy taýar óndirýshilerine «Shapaǵat» komýnaldyq bazarynda jáne mamandandyrylǵan dúkenderde jeńildikti saýda oryndary usynyldy.