Ońtústik Qazaqstan oblysy ákimi "Eńbek kúni" merekesine arnalǵan jumyskerler men eńbek dınastıalarynyń forýmyna qatysyp, eńbek azamattaryn marapattady. Bul týraly Qamshy portaly http://today.kz/-ke silteme jasaı otyryp habarlaıdy.

Barsha ońtústikqazaqstandyqtar men forýmǵa qatysýshylardy quttyqtaǵan oblys basshysy bıyl ekinshi ret atalyp ótip jatqan aıtýly kúnniń negizgi maqsaty elimizdiń bolashaǵy úshin aıanbaı eńbek etken azamattardy qurmettep, jastar arasynda jumysshy kásibin nasıhattaý dedi.

− Barlyq qundylyqtar men baılyqtar adamnyń eńbegimen jasalatyny belgili. Oblysta sońǵy 3 jylda eki júzge jýyq mektep pen 186 densaýlyq saqtaý nysany salyndy. Bul óz kezeginde, eń aldymen, qurylysshylarǵa, jas ustazdar men dárigerlerge jańa jumys ornyn tabýǵa múmkindik beredi. Jyldan jylǵa úsh aýysymdy mektepterdiń sany azaıyp keledi. Bul muǵalimderdiń eńbegin jeńildetip, bilim sapasyn arttyrady dep oılaımyz. Aıta ketý kerek, Memleket basshysynyń tapsyrmasymen 2016 jyldyń 1 qańtarynan bastap búdjettik saladaǵy qyzmetkerlerdiń ortasha eńbek jalaqysy 20-50 paıyzǵa joǵarylaıdy, − dedi óńir basshysy.

Merekelik sharada óńirde tynymsyz eńbek etip, jumysynda tabysqa jetken 30-ǵa jýyq azamatqa «Eńbek ardageri» medali, oblys ákimi men oblystyq máslıhattyń Gramotalary, Alǵys hattary tapsyryldy. Aıta óteıik, Ońtústik Qazaqstanda 9 Sosıalısik Eńbek Eri men 1 Qazaqstannyń Eńbek Eri turady. Olardyń esimderi el tarıhynda máńgi qalmaq. Saltanatty jıynda oblystyq eńbek ınspeksıasy jumys berýshi mekemeler arasynda ınovasıalyq jobalardy damytý men eńbek jaǵdaılaryn jaqsartý maqsatynda baıqaý uıymdastyrǵan bolatyn. Bir jyl boıyna júrgizilgen sharanyń nátıjesinde 14 joba anyqtalyp, "PetroQazaqstan" kompanıasy men "Dosqan LTD" JSHS-i jeńimpaz dep tanyldy. Jeńimpaz eki mekemeniń mamandary endi Bolgarıada biliktiligin arttyrý úshin tegin oqýǵa jiberiletin bolady. Saltanatty jıyn konserttik baǵdarlamamen jalǵasyn tapty.