Qazaqstan agrarıleri astyq jınaý úshin jeńildikti janar jaǵarmaı materıaldarymen tolyq qamtyldy, dedi OKQ-da ótken baspasóz konferensıasynda QR Aýyl sharýashylyǵy vıse-mınıstri Saparhan Omarov.Bul týraly Qamshy portaly http://mgov.kz/-ke silteme jasaı otyryp habarlaıdy.
«Búgingi tańda taýar óndirýshiler JJM-men tolyq qamtyldy. Jyl basynda taýar óndirýshilerine kóktemgi jáne kúzgi jınaý jumystaryn júrgizý úshin ortasha baǵasy lıtrine 81 teńge turatyn 421 myń tonna jeńildikti janar jaǵarmaı materıaldary berildi. Aýyl sharýashylyǵy tehnıkasynyń ázirligi 98-99 paıyz dárejesinde bolyp otyr», – dedi S.Omarov.
Sondaı-aq, vıse-mınıstr atap ótkendeı, Qazaqstanda astyq saqtaıtyn qoımalar jeterlik.
«Búgingi tańda respýblıkada 204 nan qabyldaıtyn lısenzıalanǵan kásiporyn bar, olar 13,7 mln tonna astyqty saqtaýǵa qaýqarly. Sondaı-aq, árbir aýyl sharýashylyǵyn óndirýshide 12,6 mln tonna astyq saqtaıtyn qoıma bar. Búginde respýblıkada 26 mln tonna astyq saqtaıtyn múmkindik bar», – dedi ol.