«Damý» kásipkerlikti damytý qory» AQ óńirlik fılıaly aımaqtyń BAQ ókilderin «BJK-2020» jáne «Damý-Óndiris»  (óńdeý ónerkásibindegi jeke kásipkerler úshin) baǵdarlamalary boıynsha ártúrli memlekettik qoldaýǵa ıe bolǵan bıznes qurylymdarmen tanystyrdy. Bul týraly Qamshy portaly QazAqparatqa silteme jasaı otyryp habarlaıdy.

«Istochnık» JSHS 2015 jyly «Bıznestiń jol kartasy» baǵdarlamasynanyń qatysýshysy boldy. 2005 jyldan bastap kásiporyn «Jolaýshylar tasymaly» AQ poıyzdaryn tósek-oryn jınaqtarymen qamtamasyz etip, kir jýýymen ǵana aınalysty. Osy jyldyń basynan beri kásiporynnyń qyzmet túri keńeıdi, endi ol tósek-oryndardy - matrastar, kópshik, jamylatyn kórpe, tósek-oryn satyp aldy. 2015 jyly «BJK-2020» memlekettik baǵdarlamasy boıynsha ekinshi deńgeıli bankten 80 mıllıon teńgege nesıe jelisi ashyldy. Memleket nesıe mólsherlemesin sýbsıdıalady, ıaǵnı 14 paıyzdyq mólsherlemeniń 7 paıyzyn tóleıtin boldy. Sondaı-aq memleket kepildiń 50 paıyzyna deıin nemese 6,2 mln. teńgege kepildik berdi. Sonyń nátıjesindpe nesıe alyp, óndiristi keńeıtkennen keıin munda 25 jańa jumys orny ashyldy, al jumys jasaýshylardyń sany 90 adamǵa jetti.

«Bıznestiń jol kartasy-2020» memlekettik baǵdarlamasyng «Luqmanova G.A.» jeke kásipkeri de paıdalandy. Kásipker oraıtyn PET-lentalar óndirisi jabdyqtaryn satyp alýǵa nesıe aldy. Batys Qazaqstandaǵy birden bir osyndaı óndiris 2014 jyldyń basynda ashyldy. Jeliniń ónimdiligi táýligine 280 myń metrdi quraıdy.

 «Qazirgi kezde kásiporyn óz ónimderin Aqtóbe oblysynyń kirpishter men gazobloktar shyǵaratyn «Ekoton-Batys», «Vıbromaster Qazaqstan», «Sıtal-2», «AZF», «SBS» sıaqtyi zaýyttary men jeke kásipkerlerge jáne basqalaryna jetkizedi. Bizdiń ónim 100 paıyz jergilikti shıkizattan shyǵarylady, biz endi reseı naryǵyna shyǵýdy josparlap otyrmyz», - deıdi kásiporyn dırektory Áltaır Luqmanov.

 «Al «ÝrTorgStroı» JSHS 2014 jyly «Damý-Óndiris» memlekettik baǵdarlamasyna qatysýshy boldy. Kásiporyn jıhaz jáne qurylys materıaldary óndirisimen aınalysady. Jabdyqtar jáne kólik satyp alýǵa jyldyq 6 paıyzben 12 mln. teńge nesıe rásimdep, JSHS kepil boıynsha memeket kepildigine ıe boldy. Jabdyqtardyń ónimdiligi kúnine 18-20 tekshe metr gazobloktar, onda 6 adam jumys isteıdi. Tolyq óndiristik qýatyna jetken soń jumys oryndarynyń sany eki ese ulǵaımaq.

 «Buryn biz taqtatastar shyǵaratynbyz, endi gazobloktar shyǵarýǵa kóshtik. Bul óte jaqsy memlekettik baǵdarlama dep sanaımyn. Kásipkerlerge myqtap kómektesip tur», - deıdi JSHS dırektory Qadyr Baıtóbetov.