Búgin Parlament Senatynyń Ekonomıkalyq saıasat, ınovasıalyq damý jáne kásipkerlik komıtetiniń kezekti otyrysy ótip, onda «Jergilikti ózin ózi basqarý týraly» zań jobasy talqylandy. Atalǵan zań jobasyn senatorlarǵa Ulttyq ekonomıka vıse-mınıstri Qaıyrbek Óskenbaev tanystyryp, ol 2018 jyldan bastap jergilikti búdjet 6 salyq túrimen qarjylandyrylatyndyǵyn atap ótti, - dep habarlaıdy Qamshy portaly Baq.kz-ke silteme jasaı otyryp habarlaıdy.

- Memleket basshysy bekitip bergen Ult Josparynda kórsetilgen tapsyrmalardy júzege asyrý maqsatynda biz «Jergilikti ózin-ózi basqarý týraly» zań jobasyna ózgerister men tolyqtyrýlar engizýdi kózdep otyrmyz. Onyń asynda qosymsha taǵy eki salyq túri jergilikti búdjet qaramaǵyna beriledi dep kútilýde, - dedi Qaıyrbek Aıtpaıuly.

Aıta keter bolsaq, jergilikti búdjet enshisine osy kezge deıin tórt birdeı salyq túri berilgen bolatyn. Olar: jer, múlik, kólik jáne tabys salyǵy bolsa, endi oǵan qosymsha zańdy tulǵalardyń kólik jáne jer salyǵyn beriledi dep kútilýde.

- Mine, osy atalǵan salyqtar jınaqtala kele aýdan búdjetinen jergilikti nemese aýyl halqynyń qajettiligine bólinetin bolady. Joǵaryda atalǵan tórt salyqtyń túrin bıyldan bastap jergilikti búdjet enshisine ótken bolsa, kóktemnen bastap oǵan taǵy eki salyq qosylatyn bolady. Sondyqtan da búgingi talqylanyp jatqan zańnyń basty maqsaty, 2018 jylǵa qaraı jergilikti ózin-ózi basqarý organdaryna jeke búdjet berý jáne onyń kólemin ulǵaıtý bolyp tabylady, - dedi baıandamashy.

Aıta keteıik, budan bólek zań jobasynda jergilikti búdjetke bólingen qarajatty jergilikti halyq ákimdermen jáne máslıhat depýtattarymen keńese otyryp, ashyq túrde ıgerilýin baqylaıtyn bolady dep naqtylanǵan. Sonymen qatar, halyq aqyldasa otyryp, óz ákimderin taǵaıyndap nemese ornynan bosatý tetikteri de atalǵan qujatqa arqaý etilgen.