Almatyda 19 shildede Esentaı ózeniniń jaǵalaýyn abattandyrý jumystaryn qorytyndylaýǵa baılanysty baspasóz-týry ótti.

Esentaı ózeniniń jaǵalaýynda sý bólgishten Jamaqaev kóshesine deıingi aralyqta jańa formattaǵy qoǵamdyq keńistik qurý boıynsha jumystar aıaqtalýǵa jaqyn, uzyndyǵy 4,2 jaıaý júrginshiler joly jasaldy (1 km aǵashtan jasalǵan jaıaý júrginshiler joly jáne 3,2 km tas jol), ózenniń jaǵalaýy bekitildi.

«Abattandyrý jobasy tabıǵı landshafty saqtaı otyryp, qalalyqtardyń jaıly demalysyna jaǵdaı jasaýǵa baǵyttalǵan bolatyn. Munyń negizinde zamanǵa saı ınfraqurylymdy tabıǵatqa barynsha zıan keltirmeıtindeı etip jasaý ıdeıasy jatyr», – dedi baspasóz-týry barysynda Almaty qalasy Ekologıa jáne qorshaǵan orta basqarmasynyń bólim jetekshisi Murat Jeksenbaev.

Sondaı-aq abattandyrý jumystary aıasynda uzyndyǵy 1,3 km-lik aǵash qorshaý jáne tireýish qabyrǵalary (4,2 km) ornatyldy. 600-deı qylqan japyraqty jáne japyraqty aǵashtar, 3500-den astam buta jáne shamamen 700 sh. m. kópjyldyq jáne 100 sh. m. birjyldyq ósimdikter otyrǵyzyldy. 339 jaryq sham, 8 oıyn alańy men sport alańy, 4 tabıǵatty tamashalaý  alańy men pandýstar, 4 pergola, 2 modýldik dárethana, sý jaǵasyna 10 oryndyq, 130 qoqys jáshigi jáne jaǵalaý boıyna 70 oryndyq qoıyldy.