Tarıhshy, jazýshy, qazaqtyń aýyz ádebıetin zertteýshisi ǵalym. Fılologıa ǵylymdarynyń doktory, Memleket syılyǵynyń laýreaty (1984), Qazaqstannyń halyq jazýshysy (1996) - Muhtar Muqanuly Maǵaýın 74 jasqa keldi. 2 aqpan uly jazýshynyń týǵan kúni. "Qamshy" ujymy jazýshynyń týǵan kúnine qutty bolsyn aıtady.

Muhtar Muqanuly Maǵaýın — 1940 jyly 2 aqpanda Semeı oblysynyń Shúbartaý aýdanynda týǵan. 1962 jyly Qazaq memlekettik ýnıversıtetiniń fılologıa fakúltetin, 1965 jyly onyń aspırantýrasyn bitirgen. Eńbek jolyn 1965 jyly bastady. "Qazaq ádebıeti" gazetinde bólim meńgerýshisi, 1967-1971 jyldary "Jazýshy" baspasynda bas redaktordyń orynbasary, Qazaq KSR Ǵylym akademıasynyń M.Áýezov atyndaǵy Ádebıet jáne óner ınstıtýtynda aǵa ǵylymı qyzmetker bolyp istegen, Máskeýde M.Gorkıı atyndaǵy Ádebıet ınstıtýtynda qazaq fólklory men qazaq ádebıeti tarıhy boıynsha arnaıy leksıalyq kýrstar júrgizdi. 1983-1984 jyldary erkin shyǵarmashylyq qyzmette, 1984-1986 jyldary "Jazýshy" baspasynyń bas redaktory. 1987 jyly erkin shyǵarmashylyk qyzmette, 1988 jyldan beri "Júldyz" jýrnalynyń bas redaktory.

«Aqsha qar», «Bir atanyń balalary», «Qıandaǵy qystaý», «Kók kepter» povester men áńgimeler jınaqtarynyń, «Kók munar», «Shaqan sheri» romandardyń, «Alasapyran» roman-dılogıanyń, «Qobyz saryny» atty monografıanyń avtory.

Qazir Pragada turatyn jazýshy "Shyńǵys Han" romanyn jazý ústinde.

"Qamshy"