Astana qalasynyń ákimi Jeńis Qasymbek elorda turǵyndaryna úndeý joldady, dep habarlaıdy qala ákimdiginiń resmı saıty. Jańa ákim qalany odan ári jaıly da qolaıly etý úshin judyryqtaı jumylyp eńbek etetinin atap ótti, dep jazady sputnik.kz.
"Qazirgi ýaqytta dúnıe júzindegi megapolısterdiń aldynda jańa jahandyq syn-qaterler men mindetter tur. Astana da solardyń qatarynda. Ekonomıkalyq kórsetkishter, kásipkerlikti damytý, ınfraqurylym, qoljetimdi áleýmettik qyzmetter – óz jumysymyzda qala ómiri úshin mańyzy zor barlyq salany qamtımyz", - dedi ol.
Ákimniń aıtýynsha, qala turǵyndarynyń jaıly ómir súrýi úshin qoljetimdi áleýmettik turǵyn úıler, mektepter, balabaqshalar, medısınalyq nysandar jáne t.b. salýdy ári qaraı da jalǵasady.
"Qala turǵyndarynyń sany, qurylys kólemi jyl saıyn ósip kele jatqanyn eskerip, jylý, sý jáne elektrmen jabdyqtaý nysandarynyń qýatyn ulǵaıtý boıynsha jumys isteıtin bolamyz", - dedi Qasymbek.
