«Qaıǵyly Qantar: Ot pen oq arasynda» derekti fıliminiń úshinshi serıasy osy beısenbide, saǵat 18:20-da shyǵady

Jýrnalısik zertteý janryndaǵy avtorlyq fılmniń maqsaty – Almatydaǵy qańtar oqıǵasyna qatysty alyp-qashpa áńgimelerdi ysyryp tastap, jaǵdaıdyń qalaı bolǵandyǵyn oqıǵa hronologıasyn qalypqa keltirý arqyly shyndyqqa kóz jetkizý, dep habarlaıdy Almaty.tv.

Búkil el úshin naǵyz synaqqa aınalǵan tragedıa týraly 5 serıaly fılm eksklúzıvti suhbattar men buryn belgisiz bolǵan faktilerdi usynady. Eń bastysy, qandy tártipsizdikter men jan túrshigerlik búlikke ákelgen narazylyq sherýleriniń egjeı-tegjeıli hronologıasyn jańǵyrtady.

Qaıǵyly qańtardyń bastaýynda ne jatqanyn, bandıtterdiń ákimdik, áýejaı men polısıa bólimin qandaı maqsatpen basyp alǵysy kelgenin oqıǵa ornynda bolǵan qatysýshylar men kýágerler baıandaıdy. Qańtardaǵy beı-berekettik kimge paıdaly boldy jáne bul qıyn jaǵdaıda el tutastyǵy qalaı saqtalǵanyn túsiný úshin jýrnalıser sol kezdegi oqıǵalarǵa ózindik taldaý jasady.

Osy beısenbi, 15 jeltoqsan, saǵat 18:20-da «Almaty» telearnasynda, sondaı-aq YouTube arnasynda «Qaıǵyly Qantar: Ot pen oq arasynda»  derekti fıliminiń úshinshi serıasyn ótkizip almańyz.