Búgin, 15 aqpanda Memlekettik kirister departamentinde Mańǵystaý oblysy ákiminiń orynbasary Rýslan Bektemirdiń qatysýymen jergilikti búdjetke túsetin túsimderdi ulǵaıtý múmkindigi jáne olardy sheshý joldary talqylandy, - dep habarlaıdy Mańǵystaý oblysy ákimdiginiń baspasóz qyzmeti.

Jıyn barysynda 2022 jylǵy jergilikti búdjettiń kiris bóliginiń oryndalýy men aldaǵy jospary baıandaldy. Sondaı-aq salyq salynatyn bazalar boıynsha ákimshilendirý bóligindegi problemalyq máseleler sóz boldy.

Memlekettik kirister organdarynyń málimetinshe, byltyr óńir búdjetine 213 mlrd. teńge túsken. Onyń ishinde salyqtyq túsimder – 201 mlrd. teńge, ıaǵnı 94% paıyzdy qurady. Osy oraıda 2023 jylǵa arnalǵan jergilikti búdjettiń kiris bóligin tolyqtyrý úshin qosymsha rezervterdi izdeý boıynsha sheshim qabyldanyp otyr.

- Búdjetke túsetin túsimder ekonomıkanyń turaqty ósimin, halyqtyń tabysy men azamattardyń ómir súrý sapasyn arttyrýǵa septigin tıgizedi. Sondyqtan tıisti memlekettik organdar ózara birlesip, salyq bazasyn ulǵaıtý arqyly búdjetke qosymsha túsimderdi qamtamasyz etýi kerek. Jaýapty mamandar turaqty túrde monıtorıń júrgizip, bereshegi bar salyq tóleýshiler men kompanıalarǵa zań aıasynda tıisti sharalar qoldanýy qajet, - dedi