Alǵys aıtý kúni jyl saıyn erekshe mańyzǵa ıe bolyp kele jatqanyn Qazaqstan uıǵyrlarynyń respýblıkalyq etnomádenı ortalyǵy joǵarǵy keńesiniń tóraǵasy, «Uıǵyr avazı» qoǵamdyq-saıası gazetiniń bas redaktory Ershat Ásmetov Óńirlik komýnıkasıalar qyzmetinde ótken brıfıńte aıtty, dep jazady Almaty qalasynyń óńirlik kommýnıkalar qyzmeti. 

«Barlyq merekelerdiń ishinde men úshin Alǵys aıtý kúni eń mańyzdy jáne qurmetti kún. Óıtkeni alǵys júrekten shyǵady. Alǵys adamdardy jaqyndastyrady, tatýlastyrady. Bul merekeniń jyl saıyn úlken mánge ıe bolyp kele jatqanyna qýanyshtymyn», – deıdi ol. 

Sondaı-aq uıǵyr etnomádenı ortalyǵynyń ókili Qazaqstan uıǵyr etnosynyń ana tilinde gazet shyǵarýǵa múmkindigi bar jáne osy ulttyń balalary uıǵyr mektepterinde oqı alatyn birden-bir elderdiń biri ekenin aıtyp, tolyqtyra ketti.

«Bizde alǵys aıtatyn adamdar kóp. Ata-ana, týǵan-týys, dos-jarannan bastalyp, sheksiz darhan dalasyndaı júregi keń qazaq halqymen aıaqtalady. Qazaq halqynyń júregine júzden astam ult ókilderi syıyp ketedi. Bul kóptegen elderde joq nárse. Shet elderge jumys babymen barǵanymyzda bári tań qalyp: «Osyndaı kópultty memlekette adamdar qalaı tatý-tátti ómir súredi?» dep suraıdy. Oǵan sebep – qazaq halqynyń, onyń aınalasyndaǵy barlyq ulttar men ulystardyń júreginiń tazalyǵy dep bilemin», – dep bólisti ol.

«Jastar assambleıasy» RQU múshesi, Qazaqstan Uıǵyr jastary odaǵynyń tóraǵasy Rýstam Qaıryev óz tilektestigin bildirip, óz sózin qazaqstandyq jastarǵa qarata aıtty.

«Bul óte mańyzdy, aıtýly mereke. Bul naǵyz tektiliktiń merekesi. Alǵys aıta bilý– shyn máninde adamnyń qanshalyqty asyl, jyly júrekti adam ekenin ańǵartady. Barlyǵy úshin «rahmet» aıta bilý kerek. Sondyqtan men, ásirese, jastardy uıalmaı, kóshege shyǵyp, kúlimsirep, árbir qazaqstandyqqa alǵys aıtýǵa shaqyramyn. Búgingi beıbit aspan astynda ómir súrip jatqanymyzǵa árbir qazaqstandyqtyń qatysy bar. Árbir qazaqstandyq osy tatý otbasynyń múshesi. Qazaqstan halqy Assambleıasynyń jáne barsha qazaqstandyqtardyń atynan jastarymyzdy quttyqtap, olarǵa tabys, órkendeý, elimizdiń ekonomıkasynyń damýy jolynda básekege qabiletti bolýyn tileımin!», - dep túıindedi ol sózin.

Esterińizge sala keteıik, Alǵys aıtý kúninde Almatyda osy ataýly kúnge oraı is-sharalar ótkiziledi.